రాధే శ్యామ్

  ఓం గం గణపతయే నమః 🙏   ప్రణమ్య శిరసాదేవం గౌరీపుత్రం వినాయకమ్‌  భక్తావాసం స్మరేనిత్యం ఆయుష్కామార్థసిద్ధయే వినాయకుని ఆసనంలో అంతరార్థం లలితాసనం చాలా ప్ర‌తిమ‌ల‌లో వినాయ‌కుడు త‌న ఎడ‌మ కాలుని ముడుచుకుని, కుడి పాదాన్ని కింద‌కి ఉంచి క‌నిపిస్తాడు.  దీనినే యోగ‌శాస్త్రంలో ల‌లితాస‌నం అంటారు.  సాక్షాత్తూ జ్ఞానానికి ప్ర‌తిబింబ‌మైన ల‌లితాదేవి కూడా ఈ ఆస‌నంలోనే క‌నిపిస్తుంది. ఒక ప‌క్క ప్రశాంతంగా ఉంటూనే అవ‌స‌ర‌మైన‌ప్పుడు ఎలాంటి కార్యాన్ని అయినా ఎదుర్కొనేందుకు సిద్ధంగా ఉండే త‌త్వానికి ఈ ఆస‌నాన్ని ప్ర‌తీక‌గా భావిస్తారు.  ఒక ప‌క్క జీవితంలో ఎదుర‌య్యే ఒడుదొడుకులను ఎదుర్కొంటూనే, మ‌న‌సుని స్థిరంగా నిలుపుకోగ‌ల‌డ‌మే నిజ‌మైన స‌వాలు. త‌న‌ను కొలిచే భ‌క్తుల విఘ్నాల‌ను తొల‌గించి వారిని కూడా పరిపూర్ణ‌మైన వ్య‌క్తులుగా తీర్చిదిద్దుతాన‌ని స్వామి హామీ ఇస్తున్నాడు.  అందుక‌నే భ‌క్తులు ఎక్కువ‌గా ల‌లితాస‌నంలో ఉన్న వినాయ‌కునికే పూజ‌లు చేస్తుంటారు. అభంగం స‌్థిరంగా నిల్చొని ఉన్న గ‌ణ‌ప‌తి రూపాన్ని "అభంగ‌" అంటారు. తాను చూడ‌టానికి భారీకాయంతో ఉన్నా త‌న మ‌న‌స్సు ఆ శారీర‌క ప‌రిమితుల‌కు లోబ‌డ‌ద‌ని గ‌ణ...

  ఓం నమః శివాయ 🙏             శివ తాండవ స్తోత్రం శివ తాండవ స్తోత్రం రావణాసురుడు చే విరచించబడిన శివ స్తోత్రం. జటాటవీగలజ్జలప్రవాహపావితస్థలే గలేవలంబ్య లంబితాం భుజంగతుంగమాలికామ్ | డమడ్డమడ్డమడ్డమన్నినాదవడ్డమర్వయం చకార చండతాండవం తనోతు నః శివః శివమ్  (1) జటాఝూటం నుండి ప్రవహిస్తున్న గంగాజలంతో అభిషేకించబడుతున్న మెడతో మెడలోని సర్పహారము మాలలా వ్రేలాడుచుండగా చేతిలోని ఢమరుకము ఢమ ఢమ ఢమ ఢమ యని మ్రోగుచుండగా శివుడు ప్రచండ తాండవమును సాగించెను. ఆ తాండవ నర్తకుడు శివుడు మాకు సకల శుభములను ప్రసాదించుగాక. జటాకటాహసంభ్రమభ్రమన్నిలింపనిర్ఝరీ- -విలోలవీచివల్లరీవిరాజమానమూర్ధని | ధగద్ధగద్ధగజ్జ్వలల్లలాటపట్టపావకే కిశోరచంద్రశేఖరే రతిః ప్రతిక్షణం మమ  (2) శివుని జడలు నీటిని ఒడిసిపట్టే లోతైన బావిలా ఉండగా, అందులో సురగంగ వేగంగా సుడులు తిరుగుచున్నది. అప్పుడు దానిలో బారులుతీరి ప్రకాశించే తరంగాలతో ఆయన శిరము మిరిమిట్లుగొలుపుతుంది. అలాంటి మహాదేవునియందు నుదుటి భాగమున ధగ ధగ మెరుస్తున్న అగ్నిని, శిరస్సుపై బాలచంద్రుని ధరించియున్న శివునిపట్ల నాకు గొప్ప శ్రద్ధ కలదు. ధరాధరేంద్రనందినీవిలాసబంధు...

  ఓం శ్రీ సుబ్రహ్మణ్యస్వామినే నమః 🙏       నమస్తే నమస్తే మహాశక్తి పాణే      నమస్తే నమస్తే లసద్వజ్రపాణే      నమస్తే నమస్తే కటిన్యస్త పాణే      నమస్తే నమస్తే సదాభీష్టపాణే ఒక చేతిలో మహాశక్తి ఆయుధాన్ని, ఒక చేతిలో ప్రకాశవంతమైన వజ్రాయుధాన్ని, ఇంకొక చేతిని కటిపై వుంచి, మరొక హస్తంతో అభయప్రదానం చేస్తున్న శ్రీ సుబ్రహ్మణ్యేశ్వర స్వామి వారికి నమస్కారాలు🙏 సత్... పరమేశ్వరుడు చిత్... అంబిక. ఈ సత్ చిత్ రెండును ఏకం కాగా #ఆనందం ఉద్భవించింది.  ఆ సచ్చిదానందమే శ్రీ సుబ్రహ్మణ్యేశ్వరుడు. కంఠంలో రత్నాలంకారాలు, మేనిలో చక్కదనం, చేతిలో జ్ఞానశక్తి ఆయుధం, ముఖాన చిరునవ్వు, కటియందు హస్తాన్ని దాల్చి నెమలిపై ప్రకాశిస్తుండే స్వామి #జ్ఞానస్వరూపుడు. శరణన్నవారిని కాపాడే దేవుడు. షణ్ముఖుడు ...ఆరు ముఖాలు కలవాడు. ఆయన ఈ సృష్టిలోని సమస్తంలో ఉన్నాడు. సుబ్రహ్మణ్యస్వామి... శూరపద్ముని ఆవరించి ఉన్న మాయను తొలిగించి, అతనికి మోక్షమార్గాన్ని చూపినందుకే స్వామిని మనమంతా సుబ్రహ్మణ్యస్వామి అని కొలుచుకుంటున్నాం.  ఆయన కరుణామయుడు...మనలోని అజ్ఞానాంధకారాన్ని పారద్రోలి, మన...

 ఓం నమః శివాయ 🙏 వేదసార శివస్తోత్రం పశూనాం పతిం పాపనాశం పరేశం గజేన్ద్రస్య కృత్తిం వసానం వరేణ్యమ్ । జటాజూటమధ్యే స్ఫురద్గాఙ్గవారిం మహాదేవమేకం స్మరామి స్మరారిమ్ (1) సమస్త ప్రాణులకూ ప్రభువు, పాపనాశకుడు, పరమేశ్వరుడు, ఏనుగు చర్మమును ధరించినవాడు, ప్రార్ధించదగినవాడు, జటాజూటమునందు గంగను మోయుచున్నవాడు, మన్మథుని సంహరించిన వాడు అగు మహాదేవుని ఒక్కనినే స్మరించుచున్నాను. మహేశం సురేశం సురారాతినాశం విభుం విశ్వనాథం విభూత్యఙ్గభూషమ్ । విరూపాక్షమిన్ద్వర్కవహ్నిత్రినేత్రం సదానన్దమీడే ప్రభుం పఞ్చవక్త్రమ్ (2) మహేశ్వరుడు, దేవతలను కూడా శాసించువాడు, రాక్షసులను సంహరించువాడు, అంతటా వ్యాపించినవాడు, ప్రపంచమును పాలించువాడు, విభూతితో దేహమునలంకరించుకున్నవాడు, ఎగుడు దిగుడు కన్నులవాడు, చంద్రుడు – సూర్యుడు – అగ్ని అను మూడు నేత్రములు కలవాడు, సదానందరూపుడు, పంచముఖములున్నవాడు అగు పరమశివుని స్తుతించుచున్నాను. గిరీశం గణేశం గలే నీలవర్ణం గవేన్ద్రాధిరూఢం గుణాతీతరూపమ్ । భవం భాస్వరం భస్మనా భూషితాఙ్గం భవానీకళత్రం భజే పఞ్చవక్త్రమ్ (3) కైలాసము పైన ఉన్నవాడు, ప్రమథ గణములకు అధిపతి, కంఠము నందు నీలవర్ణం ఉన్నవాడు, నందివాహనుడు, సత్వ రజ స్...

  ఓం నమః శివాయ 🙏 అంధకాసుర కృత శివస్తోత్రం "శివపార్వతులు" "మందరగిరి"పై విహరిస్తుండగా,  శివుడు తూర్పు దిక్కు చూస్తూ నిలబడి ఉన్నాడు. పార్వతి వెనుక నుండి వెళ్లి , ఆయన కళ్లు మూసింది. దానితో సమస్త లోకాలకు చీకటి కమ్మినట్లయింది. ఆ హఠాత్ అంధకారానికి పార్వతి కూడా నివ్వెరపోయింది.  ఆమెకు కలిగిన ఆశ్చర్యాందోళనల వల్ల, అరచేతుల్లో #స్వేదం కమ్మింది. ఆ సమయంలో శివుని నేత్రాలు మూయబడిన అంధకారం సంఘటితమైనందున 'అంధకుడు' అయిన బాలుడు ఉద్భవించాడు.   హిరణ్యాక్షుడికి ఎంతకాలానికీ సంతానం లేకపోవడంతో అతడు శివునికై తపస్సు చేస్తున్న సమయంలో ఈ బాలకుడు జన్మించడం జరిగింది.  "తక్షణం తనకో పుత్రుడిని ప్రసాదించవలసింది"గా కోరిన ఆ అసురుని కోరిక తీర్చదలచి అంధకుడిని దత్తత తీసుకోమని వరంగా ఇచ్చేశాడు శివుడు.  గ్రుడ్డి బాలుడని చింతపడనక్కర్లేదనీ అసమాన శౌర్య పరాక్రమంతో విలసిల్లగలడనీ అనుగ్రహించాడు.  పుట్టి గ్రుడ్డివాడైన అంధకుడు బ్రహ్మను గురించి ఘోర తపమాచరించాడు.  "కోరరాని కోరిక కోరే వరకు" తనకు చావు ఉండదు అనే వరం పొందాడు. నిజానికి తాను రుద్రాంశ సంభూతుడనీ, పార్వతీదేవి తనకు మాతృసమాన అనీ గ్...

                   ఓం సాయి రామ్

         శ్రీ సాయినాథ దండకం శ్రీ సాయిబాబా ! దయాసాంద్ర! త్రిమూర్త్యాత్మకా ! శ్రీ దత్త, శివ, రామకృష్ణ, మారుత్యాది దివ్యావతార స్వరూప! ఈ థరిత్రిన్ భక్తులన్ రక్షింప లీలతో దేహమున్ దాల్చి, నీ పూజలన్, నీ సేవలన్, నీనామ సంకీర్తలన్ జేయు భక్తాళికిన్, భక్తియున్, భుక్తియున్, ముక్తియున్ గూర్చి యాపత్తులన్ బాపి, యోగంబు క్షేమంబు జేకూర్చి రక్షించు దివ్య స్వభావా! నమస్కారమర్పింతు , లోకంబులో జాతి భేదాలు గల్పించుకొన్నట్టివేగాని సత్యంబుగా లేవు లేవంచు భక్తాళికిన్ విశ్వప్రేమంబు జాటు చందంబునన్ పత్రి గ్రామంబులో విప్ర గేహంబులో జన్మమున్ గాంచి బాలుండవై యుండ, నీ తల్లితండ్రుల్ ఫకీరొక్కనిన్ గాంచి నిన్నిచ్చివేయంగ అయిదేడు లా సాథు పోష్యంబులోనుండి యా పిమ్మట వెంకుసా పేరుతో నొప్పు నా దేశ ముఖ్యుండు గోపాలరాయుండు నిన్ చెంతకు జేర్చి సద్భోథనల్ జేసి జ్ఞానోపదేశంబు గావించి, నిన్నంపి వేయంగ నీ సంగతులీదేశమందెవ్వరున్ గాంచకుండ సంచారమున్ జేసి యష్టా దశాబ్దంబులున్ బ్రాయమొప్పారగా పూర్వపుణ్యంబు పక్వంబుగా నొప్పు గోదావరి తీర ప్రాతంబులోనున్న షిరిడీ యను గ్రామంబునన్ జొచ్చి యచ్చోటనున్నట్టి యావేపవృక్షంబు క్రిందన్ మహా ప్రీతితో...

  ఓం నమః శివాయ 🙏 ఓం "నమఃశివాయ" మంత్రాన్ని వేదాలకు, తంత్రాలకు హృదయభాగంగా చెబుతారు. ఇదే పంచాక్షరీ మహామంత్రం. అన్ని కోర్కెలనూ నెరవేర్చే కల్పవృక్షం ఈ మంత్రం. 👉ఓం... మహాబీజాక్షరం. ఈ పంచాక్షరాలను పంచభూతాలు అని కూడా అంటారు.  న అంటే భూమి, మ అంటే నీరు, శి అంటే నిప్పు, వ అంటే గాలి, య అంటే ఆకాశం అని ఈ మంత్రంలో ఉన్న అక్షరాలకు నిర్వచనం చెప్పారు. మానవ శరీరం పంచభూతాత్మకం.  నమఃశివాయ అనే అయిదు అక్షరాలను పలికినప్పుడు పంచ భూతాలతో నిండిన శరీరం శుభ్రమవుతుంది.  ‘న’ భూమికి సంబంధించిన భాగాలను, ‘మ’ నీటికి సంబంధించిన భాగాలను, ‘శి’ అగ్నికి సంబంధించిన భాగాలను, ‘వ’ గాలికి సంబంధించిన భాగాలను, ‘య’ ఆకాశానికి సంబంధించిన భాగాలను పరిశుభ్రం చేస్తాయి. మనసు, శరీరం పరిశుభ్రంగా లేనంతవరకు మనిషిలో ఆధ్యాత్మిక భావన స్వచ్ఛంగా నిలబడదు. అందువల్లే "ఓం నమఃశివాయ" అనే పదాన్ని పదేపదే ఉచ్చరిస్తే, మానసిక ప్రశాంతత ఏర్పడుతుందనడంలో ఏ మాత్రం సందేహం లేదు. దీని ఉచ్చరణ వల్ల చిత్తశుద్ధి, జ్ఞానప్రాప్తి లభిస్తాయని పురాణాల్లో తెలిపారు.  రుద్ర శివమంత్రం 'ఓం నమో భగవతే రుద్రాయ' ఈశ్వరుడి అత్యంత శక్తిమంతమైన మంత్రాల్లో ఇది ఒ...

 ఓం నమో సూర్యాయ నమః 🙏 సూర్యనమస్కార మంత్రం🙏  ఓం ధ్యాయేస్సదా సవితృమండలమధ్యవర్తీ      నారాయణస్సరసిజాసన సన్నివిష్టః |     కేయూరవాన్ మకరకుండలవాన్ కిరీటీ      హారీ హిరణ్మయవపుః ధృతశంఖచక్రః ||  అర్ఘ్యం వెలుగు, సమృద్ధికి చిహ్నంగా ఆదినారాయణుడు ని పేర్కొంటారు. సూర్యునికి రోజూ "ఆర్ఘ్యం" ఇవ్వడం వల్ల శక్తి లభించి ఆర్థిక, అనారోగ్య సమస్యలన్నీ దూరమవుతాయి. రోజూ ఉదయాన్నే సూర్యునికి అర్ఘ్యం ఇవ్వడంతోనే దినచర్య ప్రారంభించడం ఉత్తమం. అయితే అర్ఘ్యం ఇస్తూ సూర్య నమస్కారం చేసేటప్పుడు కొన్ని నియమాలను పాటించాలని పండితులు చెప్తున్నారు. బ్రహ్మ ముహూర్తంలో నిద్రలేచి స్నానం చేయాలి. అంటే సూర్యోదయానికి గంటన్నర ముందు మేల్కోవాలి. సూర్యోదయానికి ఎంత ముందు మేల్కొంటే అంత ఉత్తమం.  స్నానం చేసిన తర్వాత శుభ్రమైన వస్త్రాలను ధరించాలి. ఆర్ఘ్యం ఇచ్చేటప్పుడు సూర్యకిరణాలు తీవ్రంగా ఉండకూడదు.  లేలేత భానుడి కిరణాల వల్ల ఆధ్యాత్మికతతో పాటు ఆరోగ్యపరమైన ప్రయోజనాలు చేకూరతాయి. రాగి పాత్రలో స్వచ్చమైన నీటిని తీసుకుని అందులో కొద్దిగా తేనె కలిపాలి.  ఆ తర్వాత రెండు చేతులతో ఈ పాత్రన...

 

 ఓం నమః శివాయ 🙏 భోళాశంకరుడు   పూజాయా అభికోహోమో హోమాత్తర్పణ ముత్తమం      తర్పణాచ్చ జపః శ్రేష్టో హ్యభిహేకః పరో జపాత్ ” పూజకంటే హోమము, హోమము కంటే తర్పణము, తర్పణం కంటే జపమూ, జపం కంటే అభిషేకము ఉత్తరోత్తరం, శ్రేష్టాలని పేర్కొనబడ్డాయి అని పెద్దలు చెపుతారు. సృష్టిలో తాను చాలా ప్రత్యేకమైన వ్యక్తిననీ, తనంతటి వారు మరేవరూ లేరని అనుకోవడం మనిషి సహజ అహాంకారం. ఫలోదకాలను మన తెలివితో సంపాదించుకున్నామనే అహంకారాన్ని వదిలి... అవన్నీ భగవంతుడు ప్రసాదిస్తే అనుభవించగలుతున్నామని గుర్తించేందుకు శివాభిషేకం చేయాలి. అందుకు మనసులో నీవిచ్చిన సంపదతోనే నిన్ను అర్చిస్తున్నామని స్వామికి కృతజ్ఞతను తెలియజేయడం అభిషేకంలో ఉన్న అంతరార్థం. వినయాన్ని విన్నవించుకోవడం అభిషేకం. ఎలాగైతే మనం మన శరీరంపై ఉన్న దుమ్ము, ధూళీ, మురికి తొలగించుకోవడానికి స్నానం చేస్తామో... అలాగే మన అంతరంగంలోని మాలిన్యం ప్రక్షాళన కావడానికి శివుడికి అభిషేకం చేయాలి. అభిషేక సమయంలో వినిపించే రుద్రాధ్యాయంలోని మంత్రభాగం మనకు కనువిప్పు కలిగిస్తుంది. సృష్టిలోని సకలప్రాణులు, వృక్షాలు మొదలైనవన్నీ పరమేశ్వర స్వరూపమేననీ, సకల ప్రాణులకూ శుభం కలగాలని ...

  ఓం నమో వేంకటేశాయ 🙏 శ్రీవేంకటేశ్వర స్వామి దేవేరి శ్రీ పద్మావతి అమ్మవారు. ఈ అమ్మ తిరుపతి సమీపంలోని తిరుచానూరు (అలమేలు మంగాపురం)లో కొలువుదీరివున్నారు.  పూర్వం నైమిశారణ్యంలో మునులందరూ కలసి యజ్ఞాలు చేస్తుండగా, అక్కడికి నారదమహర్షి వచ్చి... “ఈ యాగం ఎవరికోసం చేస్తున్నారు” అని అడిగి, “చేస్తే చేశారు గానీ, దేవతలలో గొప్పవారు ఎవరో ముందుగా తెలుసుకుని... ఈ యాగఫలాన్ని వారికి అర్పించండి” అని చెప్పి వెళ్ళిపోయాడు. భృగుమహర్షి, ఎవరు గొప్పో తేల్చాలని ముందుగా బ్రహ్మలోకానికి, ఆ తరువాత కైలాసానికి వెళ్ళి చివరగా వైకుంఠానికి వెళ్ళినప్పుడు... కోపంతో  శ్రీమహావిష్ణువు వక్షస్థలం మీద కాలితో తన్నుతాడు.  అది చూసిన శ్రీమహాలక్ష్మీ ఆవేశంతో అలిగి భూలోకానికి వెళ్ళిపోయి కొల్హాపురం చేరుకుంది. శ్రీనివాసుడు శుక ముని ఆశ్రమానికి చేరుకొని, అక్కడ ఒక చెరువు త్రవ్వి, అందులో స్వర్గలోకం నుంచి తెచ్చిన పద్మ🌷పుష్పాలను నాటుతాడు.  ఆ పుష్పాలు ఎల్లప్పుడూ వికసించి ఉండాలని, అందుకోసం సూర్యదేవుని కూడా ప్రతిష్టించి పన్నెండేళ్ళ పాటు తపస్సు చేయగా...  లక్ష్మీదేవి ప్రసన్నురాలై తిరుచానూరు పద్మ సరోవరంలో బంగారు పద్మంలో ప...

  ఓం నమః శివాయ 🙏 శివ మానస పూజ  మనసులో భగవంతుని నిలుపుకోవటం అలవాటు చేసుకోవటానికి, మనసు నిశ్చలంగా వుండటానికి ప్రత్యక్షంగా విగ్రహాన్ని పూజించాలి. అనేక కారణాలవల్ల అందరికీ ప్రతిరోజూ యధావిధిగా పూజ చేయటం కుదరకపోవచ్చు. వృధ్ధాప్యంవల్ల, అనారోగ్యంవల్ల, ప్రయాణంలో, ఇలా కూర్చుని అభిషేకమూ, అర్చనా చేసే అవకాశం లేక పోయినా, చెయ్యాలనే తపన మాత్రం ఉంటుంది. అలా కుదరనప్పుడు, మన మానసిక శక్తిని పరీక్షించుకోవటానికి, భగవంతుణ్ణి మన మనసులో నిలుపుకోవటానికి భగవంతుడు కల్పించిన అవకాశంగా భావించి #మానసిక_పూజ చేసుకోవాలి అసలు భగవంతుని పూజలో మానసికపూజయే విశేషమయినది.  అది ఎలా అంటే... భగవంతుడు అక్కడ వున్నాడని భావించి ఆయనకి రత్నసింహాసనం వెయ్యాలి.  ఆకాశగంగని తెచ్చి మనసారా  అభిషేకించాలి.  వివిధ రకాల ఆభరణాలతో అలంకరించాలి. సుగంధ భరితమైన పూవులతో, మారేడు దళాలతో పూజించాలి.  ధూపం, దీపం అన్నీ సమర్పించాలి.  షడ్రషోపేతమైన వివిధ భక్ష్యభోజ్యాలను, మధుర ఫలాలను నివేదించాలి.  "స్వామీ, నేను చేసిన వివిధ సపర్యలు స్వీకరించి నాపై దయచూపమని వేడుకోవాలి.  బాహ్యంగా  పూజ చేసే అవకాశం లేనివారు బాధపడకుం...

  ఓం సాయి రామ్🙏

  ఓం శ్రీ మాత్రే నమః 🙏                     అపరాజిత దేవి ఆదిపరాశక్తి అయిన దుర్గాదేవికి అనేక నామాలున్నాయి. వాటిలో "అపరాజిత" ఒకటి. "అపరాజిత" అంటే "పరాజయం లేనిది" అని అర్థం. విజయానికి ఆమె అధిదేవత. అన్ని జీవుల్లోనూ అపరాజితాదేవి శక్తి రూపంలో ఉంటుంది.  జీవుల కర్మలను గమనిస్తూ, ఆ కర్మలను అనుసరించి ఫలాన్ని ప్రసాదిస్తుంది. ‘ యా దేవీ సర్వభూతేషు శక్తిరూపేణ సంస్థితా  నమస్తస్యై నమస్తస్యై నమస్తస్యై నమో నమః చెడును తుంచడానికీ, మంచిని పెంచడానికీ దైవ శక్తులు అవతారాలు ఎన్నో కనిపిస్తాయి.  ఇంద్రాది దేవతల ప్రార్థనపై భండాసురుణ్ణి వధించడానికి... సకలదేవతా శక్తి స్వరూపిణిగా... మహాగ్నికుండం నుంచి శ్రీ దుర్గాదేవి ఆవిర్భవించింది.  ఆదిశక్తి అయిన ఆమె వివిధ అవతారాలు ధరించి... శుంభ, నిశుంభ, రక్తబీజ, చండ ముండాసుర, అరుణాసుర, మహిషాసురాదులను సంహరించి, సకల లోకాలకూ రాక్షస పీడ నుంచి విముక్తి కలిగించింది.  దుర్గామాత యుగయుగాల వేలుపు.  యాదేవీ మధుకైటభ ప్రశమనీ యామాహిషోన్మూలినీ యాధూమ్రేక్షణ చండముండ దమనీ యారక్తబీజాశినీ యాశుంభాది నిశుంభ దైత్యశమనీ యా స...

           ఓం సాయి రామ్

  ఓం నమః శివాయ                   పంచక్రియలు జీవితం ప్రశాంతంగా... ఆనందంగా... హాయిగా సాగిపోవాలనే ప్రతి ఒక్కరూ కోరుకుంటూ వుంటారు. పవిత్రమైన మార్గంలో ప్రయాణిస్తూ ఉన్నప్పుడే అలాంటి జీవితం సాధ్యమవుతుంది.  ఆ పవిత్రత అనేది కేవలం ఆధ్యాత్మిక భావాల వలన మాత్రమే కలుగుతుంది.  ఆధ్యాత్మిక పరమైన అలాంటి జీవితాన్ని కొనసాగించడానికి 'పంచక్రియలను' అనుసరించ వలసి ఉంటుందని శాస్త్రం చెబుతోంది. 1)ఉపాసన... 3)ఉత్సవం... 3)అహింస... 4)తీర్థయాత్ర... 5)సంస్కారం అనేవి పంచక్రియలు. ఉపాసన నియమ నిష్ఠలను పాటిస్తూ... సంప్రదాయాన్ని గౌరవిస్తూ అత్యంత భక్తి శ్రద్ధలతో అనుదినం భగవంతుడిని ఆరాధించడం 'ఉపాసన'. ఉత్సవం   చక్కని కుటుంబ వాతావరణాన్ని కలిగి వుండి, పండుగ సందర్భాల్లో జరిగే వేడుకల్లోను ... దైవ సంబంధమైన ఉత్సవాల్లోను భక్తితో పాల్గొనడమే 'ఉత్సవం' అహింస ఇక ఇతరులకు ఏ విధంగాను కష్టాన్ని కలిగించకుండా ఎలాంటి కారణం చేతను వాళ్లను హింసించకుండా నడచుకోవడమే 'అహింసా' విధానం.  తీర్థయాత్రలు బరువు బాధ్యతల పేరుతో భగవంతుడిని దర్శించడం సేవించడం మరిచిపోకూడదని చెప్పడానికే 'తీర్థయా...

  ఓం నమః శివాయ 🙏 తెలుగు అక్షరమాలలోని ప్రతి అక్షరంతో పరమేశ్వరుని స్తుతించే...           శివ అక్షరమాలా స్తోత్రం సాంబ సదాశివ సాంబ సదాశివ సాంబ సదాశివ సాంబ శివ సాంబ సదాశివ సాంబ సదాశివ సాంబ సదాశివ సాంబ శివ అద్భుత విగ్రహ అమరాధీశ్వర అగణిత గుణగణ అమృత శివ  ఆనందామృత ఆశ్రిత రక్షక ఆత్మానంద మహేశ శివ  ఇందు కళాధర ఇంద్రాదిప్రియ సుందరరూప సురేశ శివ  ఈశ సురేశ మహేశ జనప్రియ కేశవ సేవిత కీర్తి శివ  ఉరగాదిప్రియ ఉరగవిభూషణ నరకవినాశ నటేశ శివ  ఊర్జిత దానవనాశ పరాత్పర ఆర్జిత పాపవినాశ శివ  ఋగ్వేదశ్రుతి మౌళి విభూషణ రవి చంద్రాగ్ని త్రినేత్ర శివ  ౠపనామాది ప్రపంచ విలక్షణ తాపనివారణ తత్వ శివ  ళుల్లిస్వరూప సహస్ర కరోత్తమ వాగీశ్వర వరదేశ శివ  ళూతాధీశ్వర రూపప్రియహర వేదాంతప్రియ వేద్య శివ  సాంబ సదాశివ సాంబ సదాశివ సాంబ సదాశివ సాంబ శివ సాంబ సదాశివ సాంబ సదాశివ సాంబ సదాశివ సాంబ శివ ఏకానేక స్వరూప సదాశివ భోగాదిప్రియ పూర్ణ శివ  ఐశ్వర్యాశ్రయ చిన్మయ చిద్ఘన సచ్చిదానంద సురేశ శివ  ఓంకారప్రియ ఉరగవిభూషణ హ్రీంకారప్రియ ఈశ శివ  ఔరసలాలిత అంతకనాశన గౌరిసమే...

  ఓం శ్రీ మహా గణాధిపతయే నమః 🙏 సాక్షాత్‌ రుద్ర ఇవాపరః  అన్నట్లుగా జగదాంబ అనుగ్రహముతో జన్మించి... రుద్రానుగ్రహముతో సకల విఘ్నములకు అధిపతి అయిన గణపతిని పరమేశ్వరుడు శిరస్సు ఖండన చేసి మరలా గజముఖము పెట్టినప్పుడు...  జగదాంబ పార్వతీదేవిని ఆనందింప చేయుటకు పరమేశ్వరుడితో సహా దేవతలందరూ పార్వతీదేవి ఒడిలో ఉన్న వినాయకుని స్తుతించిన స్తుతి ఇది. శ్రీ పుత్రగణపతి స్తోత్రం శ్లో।। ఙ్ఞానశక్తిముమాం దృష్ట్వాయద్‌ దృష్టం వ్యోమ్ని శంభునా| యచ్చోక్తం బ్రహ్మణా పూర్వంశరీరంతు శరీరిణామ్‌|| శ్లో।। యచ్చాపి హసితం తేనదేవేన పరమేష్ఠినా । ఏతత్కార్య చతుష్కేణపృథివ్యాంచ చతుర్ప్యపి ।। శ్లో।। ప్రదీప్తాస్యో మహాదీప్తఃకుమారో భాసయన్‌ దిశః । పరమేష్ఠి గుణైర్యుక్తః సాక్షాత్‌రుద్ర ఇవాపరః ।। శ్లో।। ఉత్పన్నమాత్రో దేవానాంయోషితః సప్రమోహయన్‌ । కాన్త్యా దీప్త్యా తథా మూర్త్యారూపేణచ మహాత్మవాన్‌ ।। శ్లో।। తద్‌ దృష్ట్వా పరమం రూపంకుమారస్య మహాత్మనః । ఉమానిమీషే నేత్రాభ్యాంతమ పశ్యతభామినీ ।। #శ్రీపరమేశ్వర_ఉవాచ – శ్లో।। వినాయకో విఘ్నకరో గజాస్యో గణేశ నామా చ భవస్య పుత్రః । ఏతేచ సర్వే తవయాన్తు భృత్యా వినాయకాః క్రూరదృశః ప్రచండాః । ఉచ్చుష్మ దాన...

 

  శ్రీ ఆంజనేయం 🙏 భారతదేశాన్ని పాలిస్తున్న అక్బరు పాదుషాకు తులసీదాసు గురించి తెలిసింది.  తన కొలువుకు రావాల్సిందిగా ఆహ్వానించాడు.  కొన్ని మహిమలు చూపి పారితోషికాలను స్వీకరించవలసినదిగా ఆయనను కోరాడు.  దానికి తులసీదాసు తన వద్ద మహిమలు లేవనీ, నిమిత్తమాత్రుడననీ తెలియజేశాడు.  ఏవైనా మహిమలు జరిగితే అవి శ్రీరామచంద్రుని లీలలేనని తెలియజేసాడు.  దానికి అక్బరుకు ఆగ్రహం కలిగింది.  తన ఆజ్ఞను ధిక్కరించినందుకు భటుల్ని పిలిచి తులసీదాసును కొరడాలతో కొట్టవలసిందిగా ఆదేశించాడు. తులసి రెండు చేతులు జోడించి రామనామ స్మరణం చేశాడు.  భటుల చేతుల్లోని కొరడాలు లేచినవి లేచినట్లే ఉండిపోయాయి.  అక్బరుతో సహా భటులను భయంకరమైన చూపులతో, అరుపులతో అసంఖ్యాకమైన కోతులు బెదిరించసాగాయి.  అంతా నిలువునా కంపించిపోసాగారు.  చుట్టూ చేరిన కోతులు వాళ్లను అడుగైనా కదలనివ్వడం లేదు.  అక్బరు దిగ్భ్రాంతి చెంది దిక్కుతోచని స్థితిలో ఉండిపోయాడు. తన పొరపాటు తెలుసుకున్నాడు. తులసీదాసు పాదాల మీద పడిపోయి కన్నీరు, మున్నీరుగా విలపించసాగాడు.  తులసిదాసుకేమీ అర్థం కాలేదు.  కారణమడిగితే తన దయనీయస్థ...

                   ఓం సాయి రామ్

 ఓం నమః శివాయ 🙏 ఏకబిల్వం శివార్పణం జ్ఞాన స్వరూపమయిన పరమాత్మ పరమశివుడు.  మనలోని అజ్ఞానాన్ని (మందబుద్ధిని) రూపుమాపి, ‘జ్ఞానజ్యోతి’ ని వెలిగించి... మన మనసులను పవిత్రం చేసి, నిర్మలమైన జీవనాన్ని కలిగించమని, జ్ఞాన స్వరూపమైన మారేడుదళాలు స్వామికి సమర్పించుకుంటు ఉంటాము. పూజకుడు – పూజ్యము – పూజ/ స్తోత్రము – స్తుత్యము – స్తుతి / జ్ఞాత – జ్ఞేయము – జ్ఞానము  ఇలా మూడు x మూడును వేర్వేరుగా భావించుటయే త్రిపుటిజ్ఞానం.  ఒక వృక్షానికి కొమ్మలు వేరువేరుగా కనిపించినప్పటికీ, ఆధారకాండము ఒక్కటే అయినట్లు...  సృష్టి, స్థితి, లయ కారకుడైన ఆ మహాదేవుడు మారేడు దళాలలో మూడుపత్రాలుగా వేరు వేరుగా వున్నట్లు గోచరిస్తున్నాడు.  కానీ, ఆయన సర్వాంతర్యామి.     “పూజకుడవు నీవే, పూజింపబడేది నీవే, పూజాక్రియవు నీవే” అనే భావంతో శివుని పూజించుటయే సరియైన పద్ధతి.  ఈ జ్ఞాన రహస్యాన్ని తెలుసుకుని... బిల్వ పత్ర రూపంతో ‘త్రిపుటి జ్ఞానాన్ని’ నీ పాదాల చెంత నేను సమర్పిస్తున్నాను అని స్వామికి విన్నవించుకుని ‘శివోహం, శివోహం’ అనే మహా వాక్య జ్ఞానాన్ని స్థిరపరిచేదే బిల్వార్చన అవుతుంది.  శివార్చనలకు...

 ఓం నమః శివాయ 🙏             కాశీ విశ్వనాథుడు🙏 అయోధ్య, మథుర, గయ, కాశి, అవంతిక, కంచి, ద్వారక నగరాలను సప్త ముక్తి నగరాలు అంటారు. తురుష్కులు దండయాత్రకు వస్తున్నారని విని విశ్వనాథుని సేవించుకుంటున్న అర్చకులు, ఋషులూ అక్కడ విగ్రహానికి హాని కలుగకూడదని, ఇంకొకచోట భద్రపరచే ఉద్దేశ్యముతో పెకలించబోయారు.  కాని విశ్వనాథుడు కదలలేదు.  ఏంచేయాలో తెలియని భక్తులు "మా ప్రాణాలు తీసి కాని స్వామిని ముట్టనివ్వం" అని ఆస్వామిని కౌగలించుకుని ఉండిపోతే... అప్పుడు విగ్రహములో కదలిక వచ్చింది. వెంటనే విగ్రాహాన్ని పెకలించి ప్రక్కనున్న నూతిలో దాచారు. తురుష్కులు వచ్చి ముట్టడించారు. చేయదలచిన విధ్వంసం చేసి వెళ్ళారు. ఆ తర్వాత పునః ప్రతిష్ట చేద్దామంటే స్వామి నూతిలో కనపడలేదు. రాణీ అహల్యాబాయి కి స్వప్నంలో స్వామి సాక్షాత్కరించి తాను ఆ కూపం ( జ్ఞానవాపి ) లో లుప్తమయ్యానని, గుడి కట్టించి ఇంకో లింగాన్ని ప్రతిష్ట చేయమని ఆదేశించాడట.  ఆ ప్రకారం అన్నీ ఏర్పాట్లు చేసి లింగాన్ని తెచ్చి ఒక ప్రక్కగా పెట్టి గర్భగుడి మధ్యభాగంలో ప్రతిష్ట చేసేందుకు సన్నాహాలు చేస్తున్నారుట. అంతా అయ్యాక లింగప్రతిష్...

                                                                     -- సత్య వాడపల్లి

ఓం సాయి రామ్  

 ఓం శ్రీ కృష్ణ పరబ్రహ్మణే నమః 🙏 శ్రీకృష్ణ పరమాత్మ తన యోగమాయను మార్కండేయునకు చూపించడానికి వటపత్రంపై ఎడమకాలి బొటనవ్రేలును నోటిలో పెట్టుకొని శయనిస్తున్నట్లు దర్శనమిచ్చారు. వటపత్రం పైనే ఎందుకు శయనించాడు అనగా ఈ విధంగా చెప్పారు.  జంతువులలో గోవు ఎంత శ్రేష్టమో... చెట్లలో మఱ్ఱిచెట్టు అంత శ్రేష్ఠమైనది.  మఱ్ఱిచెట్టునే వటవృక్షమని, న్యగ్రోధమని అంటారు.  ఈ వృక్షముది కనీకనబడని విత్తనమట.  మిగతా మొక్కల్ని నాటినట్టుగా ఈ మఱ్ఱిమొక్కను ఎవరూ నాటరు.  ఇది స్వయంభువంగా వెలుస్తుంది.  దీనికి ఎన్నో కొమ్మలు, ఊడలు ఉండి అనేక చెట్ల గుంపులా విస్తారముగా ఉంటుంది.  అంతచెట్టు చిరువిత్తనంలో ఉన్నట్లే... పరమాత్మ కూడా అణువణువులోనూ ఉన్నాడని,  ఆ చెట్టు విస్తారంగా వ్యాపించినట్లే... పరమాత్మ కూడా బ్రహ్మాండమంతా తానే వ్యాపించి ఉన్నాడని, ఇది స్వయంభువంగా మొలకెత్తినట్లే... పరమాత్ముడు కూడా స్వయంభువుడుగా అవతరించాడని, ఈ చెట్టుని గమనిస్తే అర్ధమౌతుంది.  అందుకే దక్షిణామూర్తి మౌనంతో ఆత్మతత్త్వాన్ని వెల్లడించింది ఈ చెట్టు క్రిందనేనని అంటారు. ప్రళయకాలంలో మార్కండేయునకు ఈ లీల చూపడంలో సమస్త సృష్టి మా...

 ఓం ఆదిదేవాయ నమః🙏 తేజస్సును ఇచ్చే భాస్కరుడు . చైతన్యాన్ని ప్రసాదించే... రవి సాయంసంధ్యా సమయానికి తనంత తానే శాంతుడయి ఆకాశానికి పావనత్వాన్ని ప్రసాదించే... శంఖుడు . ఓం మృత్యవే నమః కాలరూపంలో మన జీవితాలను హరిస్తున్నాడు. ఈ మృత్యువు 4 రకాలు. అవి 1) ఉత్తమము, 2)మధ్యమము,         3)అధమము, 4)అధమాధమము  ఉత్తమము ప్రత్యక్షంగా కనిపించే సూర్యుడు ఉత్తమమైన మృత్యువు ఆరోగ్యంతో జీవిస్తున్నా... బాల్యం, కౌమారం, యవ్వనము, వార్ధక్యములతో కాలంతో పాటు వచ్చి మనలను మరణం ద్వారా ఇక్కడ నుంచి నిష్క్రమించేటట్టు చేసేవాడు. మధ్యమము వాయువు మధ్యమ మృత్యువు. ప్రతి దినం ఇన్ని శ్వాసలు తీసుకోవాలి అని నియమం. కోపము, ఆవేదన, ధుఃఖము, ఉద్వేగము, ఈర్ష్య, అసూయ, ద్వేషం మొదలయిన సమయాలలో అవసరానికి మించి ఎక్కువ శ్వాసలు ఖర్చు చేస్తాము. అంత మొత్తంలో మన జీవిత ప్రమాణం తగ్గి పోతుంది.  ఇది మన చేతిలోనే ఉంది. జపంలో శాంతిగతిలో ఎక్కువ సమయం సాగుతూ మన ఆవేశకావేశాలను అదుపులో ఉంచుకోవడం ద్వారా మన జీవితకాలాన్ని పదిలపరచుకోవచ్చు. అధమము అగ్ని ని అధమ మృత్యువు అన్నారు.  జఠరాగ్ని రూపంలో మన శరీరంలో ఉండి మనం తిన్న ఆహారం పచనమయి ...

  ఓం నమః శివాయ 🙏                శివ భగవానుడు " శమయతీతి శివః "... అందరినీ బ్రహ్మానందంలో శమింపచేసేవాడు, శివుడు. " శీతే సజ్జన మనస్సు ఇతి శివః "... సజ్జనుల మనస్సులలో శయనించి ఉండేవాడు, శివుడు. "శివం వేదః తద్యోగాత్ "... శివమంటే వేదము.  ఓం శ్శాంతి శ్శాంతి శ్శాంతిః అని ప్రపంచానికి శాంతి మార్గాన్ని దర్శింపజేసి, శాంతింపజేసే వేదము... శివమవుతుంది.  దాని యోగము గలవాడు శివుడు. " శం నిత్య సుఖమానంద మికారః, పురుషః స్మృతః        వకారః శక్తిరమృతా మేళనం శివ ఉచ్యతేః" అన్నది శివపురాణం. ‘శం’ అంటే నిత్య సుఖము, ఆనందము.  ‘ఇ’ కారం - పరమ పురుషుడు.  ‘వ’కారం అమృత స్వరూపిణి అయిన శక్తి.  ఈ ముగ్గురి కలయికయే ‘శివం’ అవుతుంది. ఆనందమయమైన శివశక్తి సంయోగమే శివ శబ్దార్థం. ఓంకారము  దాన్ని విడదీస్తే ‘అ ఉమ్’ అయింది.  ‘అ’ను ‘మ్’ ప్రక్కన చేరిస్తే ‘ఉమ’ అయింది.  ఉమ అంటే బ్రహ్మవిద్య. ఓంకారం బ్రహ్మవిద్య.  అందుకే ‘ఉమ’ను పరమశివుడు ఎప్పుడూ తన దేహార్ధ భాగంలో ఉంచుకొంటాడు.  వేదమాత శివునికి అర్ధాంగిగా ఉంటుంది.  వారి భార్యా...

  ఓం నమో వేంకటేశాయ 🙏             గోవిందరాజ స్వామి 🙏 గోవిందరాజస్వామినీ  శ్రీవేంకటేశ్వరునికి అన్న అని పిలుస్తారు.  తమ్ముడి వివాహానికి కుబేరుడు అప్పుగా ఇచ్చిన ధనాన్ని కొలిచి అలసిపోయి దిగువ తిరుపతిలో విశ్రాంతి తీసుకుంటున్నాడట. ఎంత సేపు కొలిచినా పని పూర్తికాక అలసిపోయి...  ఆ కొలమానికను తల కింద పెట్టుకుని శయనించినట్లు కథనాలున్నాయి. సప్తగిరుల పైన శ్రీవారు కొలువుతీరి ఉండగా, పర్వత పాదాల వద్ద ఆయన సోదరుడు శ్రీగోవిందరాజస్వామి వెలసి ఉంటారు.  గోవిందరాజస్వామి విగ్రహం శేషశాయి ఆదిశేషునిపై పడుకున్నట్టుగా ఉంటుంది. ఉత్తరదిక్కుకు పాదాలు, దక్షిణదిశలో తల పెట్టుకుని, శంఖ చక్రాది ఆయుధాలతో చతుర్భుజుడై, నాభికమలంలో బ్రహ్మతో, తలపై కిరీటం, దివ్యాభరణాలతో ఉంటారు గోవిందరాజస్వామి. క్రిమికాంతకుడనే చోళరాజు, తన రాజ్యంలో వైష్ణవ మతం ఉండకూడదని భావించి, చిదంబరంలోని గోవిందరాజస్వామి ఆలయాన్ని ధ్వంసం చేశాడు.  వైష్ణవ మతాచార్యులు రామానుజాచార్యుల వారు... రాజును వేడుకుని అక్కడి  గోవిందరాజస్వామి ఉత్సవ మూర్తిని తీసుకుని తిరుపతి వచ్చారు. మూలవిరాట్టును మలచే పనిని కొందరు ని...

 ఓం నమః శివాయ 🙏                కృత్తికా దీపోత్సవం  ఆ పర్వతమే ఒక మహాలయం… అదే పరమ పావనం అయిన అరుణగిరి.  విష్ణువు హస్తభూషణమైన చక్రాయుధం... "గిరి" రూపంగా భువిపై సాకారమైందని విష్ణు భక్తుల నమ్మకం.  తిరువణ్ణామలై అంటే "శ్రీకరమైన మహాగిరి" అని అర్థం.  ముక్తిగిరి, శివగిరి, ఆనందాచలం, అగ్నిగిరి, ఓంకారాచలం ఇలా ఎన్నో పేర్లు అరుణగిరికి ఉన్నాయి.  అరుణాచలాన్ని దర్శిస్తే రుణాలు తీరతాయని అంటారు.  ఇక్కడ రుణాలు తీరడమంటే బంధనాల నుంచి విడివడి ముక్తిమార్గం వైపు పయనించడం.  కైలాసంలో ఉన్న శివమహాదేవుడు నిరంతరం తపోదీక్షలో కొనసాగుతుంటాడు.  ఆయన ధ్యానానంతరం కళ్ళు తెరవగానే శివుని చూపులు అరుణగిరిపై ప్రసరిస్తాయంటారు అరుణాచల ప్రదక్షిణం సాక్షాత్తు కైలాసాన కొలువైన శివపార్వతులకు చేసే ప్రదక్షిణతో సమానమైన ఫలితం ఇస్తుందని భగవాన్ రమణమహర్షి పేర్కొన్నారు.  కార్తీక మాసములో కృత్తికా నక్షత్రం వచ్చిన రోజున శ్రీ అరుణాచల గిరిపైన మహా జ్యోతిని ప్రజ్వలింపజేస్తారు.  దీనినే "కృత్తికా దీపోత్సవం" (అరుణాచల కార్తీకదీపం) అంటారు. ఈ జ్యోతిని వెలిగించడానిక...