💥శ్రీ విష్ణు అష్టోత్తరశతనామ స్తోత్రమ్💥

 ⚜️🕉️🚩 ఓం నమో నారాయణాయ 🌹🙏

💥శ్రీ విష్ణు అష్టోత్తరశతనామ స్తోత్రమ్💥

నమామ్యహం హృషీకేశం కేశవం మధుసూదనమ్ ।

సూదనం సర్వదైత్యానాం నారాయణమనామయమ్ ॥ 1 ॥

జయన్తం విజయం కృష్ణం అనన్తం వామనం తథా ।

విష్ణుం విశ్వేశ్వరం పుణ్యం విశ్వాత్మానం సురార్చితమ్ ॥ 2 ॥

అనఘం త్వఘహర్తారం నారసింహం శ్రియః ప్రియమ్ ।

శ్రీపతిం శ్రీధరం శ్రీదం శ్రీనివాసం మహోదయమ్ ॥ 3 ॥

శ్రీరామం మాధవం మోక్షక్షమారూపం జనార్దనమ్ ।

సర్వజ్ఞం సర్వవేత్తారం సర్వేశం సర్వదాయకమ్ ॥ 4 ॥

హరిం మురారిం గోవిన్దం పద్మనాభం ప్రజాపతిమ్ ।

ఆనన్దజ్ఞానసమ్పన్నం జ్ఞానదం జ్ఞానదాయకమ్ ॥ 5 ॥

అచ్యుతం సబలం చన్ద్రవక్త్రం వ్యాప్తపరావరమ్ ।

యోగేశ్వరం జగద్యోనిం బ్రహ్మరూపం మహేశ్వరమ్ ॥ 6 ॥

ముకున్దం చాపి వైకుణ్ఠమేకరూపం కవిం ధ్రువమ్ ।

వాసుదేవం మహాదేవం బ్రహ్మణ్యం బ్రాహ్మణప్రియమ్ ॥ 7 ॥

గోప్రియం గోహితం యజ్ఞం యజ్ఞాఙ్గం యజ్ఞవర్ధనమ్ ।

యజ్ఞస్యాపి చ భోక్తారం వేదవేదాఙ్గపారగమ్ ॥ 8 ॥

వేదజ్ఞం వేదరూపం తం విద్యావాసం సురేశ్వరమ్ ।

ప్రత్యక్షం చ మహాహంసం శఙ్ఖపాణిం పురాతనమ్ ॥ 9 ॥

పుష్కరం పుష్కరాక్షం చ వరాహం ధరణీధరమ్ ।

ప్రద్యుమ్నం కామపాలం చ వ్యాసధ్యాతం మహేశ్వరమ్ ॥ 10 ॥

సర్వసౌఖ్యం మహాసౌఖ్యం సాఙ్ఖ్యం చ పురుషోత్తమమ్ ।

యోగరూపం మహాజ్ఞానం యోగీశమజితప్రియమ్ ॥ 11 ॥

అసురారిం లోకనాథం పద్మహస్తం గదాధరమ్ ।

గుహావాసం సర్వవాసం పుణ్యవాసం మహాజనమ్ ॥ 12 ॥

వృన్దానాథం బృహత్కాయం పావనం పాపనాశనమ్ ।

గోపీనాథం గోపసఖం గోపాలం చ గణాశ్రయమ్ ॥ 13 ॥

పరాత్మానం పరాధీశం కపిలం కార్యమానుషమ్ ।

నమామి నిఖిలం నిత్యం మనోవాక్కాయకర్మభిః ॥ 14 ॥

నామ్నాం శతేనాపి తు పుణ్యకర్తా

యః స్తౌతి విష్ణుం మనసా స్థిరేణ ।

స యాతి లోకం మధుసూదనస్య

విహాయ దోషానిహ పుణ్యభూతః ॥ 15 ॥

నామ్నాం శతం మహాపుణ్యం సర్వపాతకశోధనమ్ ।

అనన్యమనసా ధ్యాజేజ్జపేద్ధ్యానసమన్వితః ॥ 16॥

నిత్యమేవ నరః పుణ్యం గఙ్గాస్నానఫలం లభేత్ ।

తస్మాత్తు సుస్థిరో భూత్వా సమాహితమనా జపేత్ ॥ 17 ॥

ఇతి శ్రీవిష్ణవష్టోత్తరశతనామస్తోత్రం సమ్పూర్ణమ్ ।

⚜️🕉️⚜️🕉️⚜️🕉️⚜️🕉️⚜️