💥ఋణ విమోచన శ్రీ నృసింహ స్తోత్రం💥

 ⚜️🕉️🚩 ఓం శ్రీ లక్ష్మినృసింహస్వామినే నమః🌹🙏

💥ఋణ విమోచన శ్రీ నృసింహ స్తోత్రం💥

#ధ్యానమ్ -

వాగీశా యస్య వదనే లక్ష్మీర్యస్య చ వక్షసి |

యస్యాస్తే హృదయే సంవిత్తం నృసింహమహం భజే ||

అథ స్తోత్రమ్ -

దేవతా కార్య సిద్ధ్యర్థం సభా స్తంభ సముద్భవమ్ |

శ్రీ నృసింహం మహావీరం నమామి ఋణ ముక్తయే || 1 ||

లక్ష్మ్యాలింగిత వామాంగం భక్తానాం వరదాయకమ్ |

శ్రీ నృసింహం మహావీరం నమామి ఋణ ముక్తయే || 2 ||

ఆంత్ర మాలాధరం శంఖ చక్రాబ్జాయుధ ధారిణం |

శ్రీ నృసింహం మహావీరం నమామి ఋణ ముక్తయే || 3 ||

స్మరణాత్ సర్వపాపఘ్నం కద్రూజవిషనాశనమ్ |

శ్రీ నృసింహం మహావీరం నమామి ఋణ ముక్తయే || 4 ||

సింహనాదేన మహతా దిగ్దంతిభయనాశనమ్ |

శ్రీ నృసింహం మహావీరం నమామి ఋణ ముక్తయే || 5 ||

ప్రహ్లాద వరదం శ్రీశం దైత్యేశ్వర విదారిణమ్ |

శ్రీ నృసింహం మహావీరం నమామి ఋణ ముక్తయే || 6 ||

క్రూరగ్రహైః పీడితానాం భక్తానామభయప్రదమ్ |

శ్రీ నృసింహం మహావీరం నమామి ఋణ ముక్తయే || 7 ||

వేద వేదాంత యజ్ఞేశం బ్రహ్మ రుద్రాది వందితమ్ |

శ్రీ నృసింహం మహావీరం నమామి ఋణ ముక్తయే || 8 ||

య ఇదం పఠతే నిత్యం ఋణమోచన సంజ్ఞితమ్ |

అనృణే జాయతే సత్యో ధనం శీఘ్రమవాప్నుయాత్ || 9 ||

సర్వసిద్ధిప్రదం నృణాం సర్వెశ్వర్యప్రదాయకమ్ |

తస్మాత్ సర్వప్రయత్నేన పఠేత్ స్తోత్రమిదం సదా || 10 ||

ఇతి శ్రీనృసింహపురాణే ఋణమోచన శ్రీ నృసింహ స్తోత్రమ్ |

⚜️🕉️⚜️🕉️⚜️🕉️⚜️🕉️⚜️