💥భగవద్ సేవ...
⚜️🕉️🚩 ఓం నమో నారాయణాయ 🌹🙏
💥భగవద్ సేవ...
భగవంతుడికి మనం చేసే చిన్న పాటి సేవ కూడా గొప్ప ఫలితాన్ని ఇస్తుంది. ధూప, దీప, పుష్ప, గంధాలతో మనం పరమాత్మకు ప్రతిరోజూ చేసే పూజ కూడా ఎంతో గొప్ప భగవద్ అనుగ్రహాన్ని వర్షిస్తుంది.
తెలిసి చేసిన, తెలియక చేసినా సరే మనం చేసే చిన్నపాటి సేవకి పరమాత్మ విశేషమైన ఫలితాన్ని ఇస్తాడు.
జగద్గురు శ్రీల ప్రభుపాదాచార్యుల వారిని ఒకసారి ఒక శిష్యుడు ఒక ప్రశ్న అడిగాడు. “మీరు ప్రతిరోజు కృష్ణుడి పాదాలమీద పువ్వులతో పూజ చేస్తున్నారు కదా, ఒకరోజు తర్వాత వాడిపోతుంది. మరి ఆ పువ్వు పొందే ప్రయోజనం ఏమిటి”
దానికి జగద్గురువులు ఇలా సమాధానం ఇచ్చారు, “ఈ పువ్వు ఏ మొక్కనుంచి వచ్చిందో, ఆ మొక్కలోనున్న జీవుడు వచ్చే జన్మలో ఉత్కృష్టమైన మానవ జన్మని పొందుతుంది”
దీనికి పురాణంలో ఒక కథ కూడా ఉంది.
ఒక వూరిలో పాడుబడ్డ దేవాలయం మీద ఒక పక్షి ఎగురుతూ వెళ్ళింది. అది ఆలా ఎగిరి వెళ్లడంలో దాని రెక్కల నుంచి వచ్చిన గాలికి గోపురం మీద ఉన్న ధూళి తొలిగి శుభ్రపడింది.
తెలియక చేసినాకూడా అదొక గొప్ప భగవద్ సేవ. తర్వాతి జన్మలో ఆ పక్షిలోని జీవుడు ఒక రాజకుమారుడిగా జన్మించాడు.
ఎప్పుడో ఒక్కసారి చేస్తేనే పరమాత్మ అంత అనుగ్రహిస్తే, అదే మనం నిరంతరం శ్రీమన్నారాయణుడి పాదపద్మములను సేవిస్తే మనల్ని రక్షించడా స్వామి? తప్పక అనుగ్రహిస్తాడు.
84 లక్షల జీవరాసులలో మానవజన్మ పరమోత్కృష్టమైన జన్మ. దేవతలకంటే కూడా మనుష్య జన్మ చాలా గొప్పదని మనకు శాస్త్రమే చెప్తుంది. దేవతలు కూడా పదవీకాలం పూర్తయ్యాక మానవ జన్మని పొందుతారు. మోక్ష సాధనకి మానవ జన్మే చిట్టచివరి జన్మ అవుతుంది.
🌷 సర్వం శ్రీకృష్ణార్పణమస్తు 🌷
సేకరణ... 💐🙏
⚜️🕉️⚜️🕉️⚜️🕉️⚜️🕉️⚜️
Comments
Post a Comment