💥కార్తీకం.. పరమపవిత్రం
⚜️🕉️🚩 ఓం నమః శివాయ 🌹🙏
🏵️🌼🏵️🌼🏵️
💥కార్తీకం.. పరమపవిత్రం
ఎంతో పవిత్రంగా భావించే "కార్తీక మాసం" ప్రారంభమైంది.
ఉత్తరాయణంలో మాఘ మాసం, దక్షిణాయనంలో కార్తీక మాసానికి ఎంతో విశిష్టత ఉంది.
పౌర్ణమి నాటి చంద్రుడు కృత్తికా నక్షత్రం సమీపంలో ఉండటం వల్ల ఈ మాసానికి కార్తీక మాసంగా పేరు వచ్చింది.
శివకేశవ ప్రియం.. కార్తీకం..!
ఆధ్మాత్మిక వెల్లివిరిసే నెల.
కార్తీక మాసాన్ని విష్ణు మాసం అని కూడా అంటారు.
కార్తీక మాసానికి సమానమైన మాసం లేదు.
శ్రీమహావిష్ణువుకు సమానదేవుడు లేడు.
వేదంతో సమానమైన శాస్త్రం లేదు.
గంగతో సమానమైన తీర్థము లేదు.. అని పురాణ వచనం.
పురాణాల ప్రకారం, విష్ణువు ఈ మాసంలో నారాయణ రూపంలో నీటిలో ఉంటాడు. ఇది పుణ్యస్నానాలకు, వివిధ వ్రతములకు అత్యంత శుభప్రదమైనది.
ఈ నెలలో ఒంటిపూట భోజనం, సాయంత్రం వేళ తులసి వద్ద దీపాలు వెలిగించటం ఎంతో పుణ్యప్రదమని, అలా దీపాలు వెలిగించలేని వారు.. ఆరిన దీపాలు వెలిగించినా, దీపాలు ఆరిపోకుండా చేతి అడ్డుగా పెట్టినా మోక్షం సిద్ధిస్తుందని పురాణాలు చెబుతున్నాయి.
ఈ మాసమంతా సూర్యోదయానికి పూర్వమే నదీస్నానం లేదా ఏదైనా జలాశయంలో స్నానం, బిల్వపత్రాలతో శివుని అర్చన, అభిషేకం, సాయంత్రం దీపారాధన చేస్తారు.
అలాగే ఈ మాసంలో ‘కార్తీక పురాణాన్ని' రోజుకో అధ్యాయం చొప్పున పారాయణం చేయటం విశేష ఫలితాన్నిస్తుంది.
కార్తీక మాసం తొలి రోజు సాయంత్రం నుంచే దేవాలయాల్లో ఆకాశదీపాన్ని వెలిగిస్తారు.
ఆ దీపానికి నమస్కరించి, శివాలయంలో దీపారాధన చేసినవారికి మరుజన్మ ఉండదని శాస్త్రవచనం.
శ్రావణమాసంలో శుక్రవారానికి ఎంతటి ప్రాముఖ్యత ఉందో కార్తీక మాసంలో సోమవారాలకు అంతటి విశిష్టత ఉంది.
కార్తీకమాసంలో రెండవ రోజు తోడబుట్టిన సోదరి ఇంటికి వెళ్ళి ఆమె చేతి భోజనం చేసి, కానుకలు ఇచ్చి వచ్చిన వారికి యమగండం వాటిల్లదని పురాణాలు చెబుతున్నాయి. దీనినే "భగినీహస్తభోజనం" అంటారు.
చవితి:
నవంబరు 17 శుక్రవారం- నాగుల చవితి.
పంచమి:
పంచమిని "జ్ఞానపంచమి" అని అని కూడా అంటారు. పంచమి తిథి రోజున సుబ్రహ్మణ్యస్వామి అనుగ్రహం కోసం ఆర్చనలు చేయించుకున్న వారికి జ్ఞానవృద్ధి కలుగుతుందంటారు.
ఈ నెలలో వచ్చే కార్తీక పౌర్ణమి, ఉత్థానైకాదశి, కార్తీక శుద్ధ ద్వాదశి వంటి దినాలు శివ,కేశవ అర్చనకు ఎంతో ప్రశస్తమైనవి.
కార్తీకపూర్ణిమ:
ఈమాసంలో అత్యంత పవిత్రమైన రోజు.. శివాలయం వద్ద జ్వాలాతోరణ దర్శనం చేసుకోవడం వల్ల సర్వ పాపాలూ ప్రక్షాళనమవుతాయి
సేకరణ... 💐🙏
⚜️🕉️⚜️🕉️⚜️🕉️⚜️🕉️⚜️
Comments
Post a Comment