ఓం నమో భగవతే మహా మృత్యుంజయాయ

 ⚜️🕉️🚩 ఓం నమఃశివాయ 🌹🙏

🔱 హర హర మహాదేవ శంభో శంకర🔱

🏵️🌼🏵️🌼🏵️

💥సకల మృత్యుభయ దోష నివారణకు...

"ఓం నమో భగవతే మహా మృత్యుంజయాయ"

రుద్రం పశుపతిం స్థాణుం నీలకంఠముమాపతిమ్‌

నమామి శిరసా దేవం కింనో మృత్యుః కరిష్యతి!

మృత్యుంజయ మహాదేవ త్రాహి మాం శరణాగతమ్‌

జన్మ మృత్యు జరారోగైః పీడితం కర్మ బంధనైః!!

🍁🍁🍁🍁🍁

శివమయం జగత్.

ఈ విశాల విశ్వంలో శివుడు కానిది ఏదీలేదు.

శివ శబ్దమే కల్యాణకారకం అని అర్థం.

శివుడు సకల జగాలకు పాలకుడు.

దిక్కులనే అంబరాలు ధరించినవాడు.

జగమంతటికీ ఆకలి తీర్చే అన్నపూర్ణ సాక్షాత్తు ఆయన ధర్మపత్ని అయినప్పటి ఆయన మాత్రం ఆదిభిక్షువుగా పేరుగాంచాడు.

శివుడు భక్తసులభుడు.

'హర హర మహాదేవ శంభో’ అన్నంతనే నేనున్నా నంటూ భక్తులను బ్రోచే భక్తవశంకరుడు.

జడమైన జగతికి చైతన్యాన్ని ప్రసాదించే లయకారుడు.

మాయానాశకుని ఉదంతాన్ని తెలియచేయడానికే లింగోద్భవం జరిగిందంటారు.

శివ, శక్తి రెండింటికీ ఒకే రూపం.

అర్థనారీశ్వర తత్వం ఆకళింపుఅయితే పరమేశ్వరుని చిద్విలాసమే సృష్టి స్థితిలయలని అర్థం అవుతుంది. 

శివారాధన హైందవ సంస్కృతిలో అంతర్భాగం.

జనుల హృదయాల్లో ఉండే తమో గుణాన్ని తొలగించే జ్యోతి స్వరూపునిగా పరమేశ్వరుడు జ్యోతిర్లింగాలల్లో కొలువై వున్నాడనేది పురాణ వచనం.

వజ్ర లింగం, మరకత లింగం, పద్మరాగ లింగం, స్పటిక లింగం ఇలాంటి లింగాలన్నో ఉన్నా ఆ లింగాలకు చేసే లింగాభిషేకాలు విశేష ఫలితాన్నిచ్చివే కాని కలియుగంలో పార్థివ లింగ పూజలు ప్రశస్తమైనవని పురాణాలు ఘోషిస్తున్నాయ.

మానవరూపంలో ఉండి దివ్యత్వాన్ని కలిగిన దేవతలకు మనం సుగంధ భరిత పుష్పాలతో, దీప ధూప నైవేద్యాలతో పూజలు చేస్తాం.

కానీ నిరాకారుడు, లింగాకారుడు అయిన శివుడిని మారేడు దళాలు, విబూధితో పూజిస్తారు.

శరీరంపై వ్యామోహాన్ని పోగొట్టుకోవాలనుకునేందుకు విబూధి సంకేతం.

మనలో వికారాలు, వ్యసనాలు, బలహీనతలను సువాసన లేని పూవుల రూపంలో స్వామికి అర్చిస్తే అందుకు ప్రతిగా శంకరుడు మనకు దివ్యత్వాన్ని ప్రసాదిస్తాడంటారు.

శివుడి త్రినేత్రం జ్ఞానానికిసంకేతం.

సత్వ రజో తమోగుణాలు త్రిగుణాలు.

చేతిలోని త్రిశూలం త్రిగుణాలకు ప్రతీక.

త్రిశూలాన్ని ధరించిన శివుడు త్రిగుణాలను నియంత్రణం లోకి తెస్తాడు.

‘శివ’ శబ్దంలో, ‘శం’ అంటే సుఖము, ఆనందమని, ‘ఇ’ కారము పరమ పురుషుడని, ‘వ’కారము-అమృత స్వరూపిణి అయిన శక్తి అంటే అమ్మ అని- శాస్త్రం చెబుతుంది.

ఈ ముగ్గురి సమ్మేళనమే అనగా ఆనందమయమైన శివశక్తి సంయోగమే శివ శబ్దార్ధము.

దీన్ని గురించితెలుసుకొంటే ఓంకార స్వరూపంలోని తత్వం అర్థంబోధపడుతుంది.

ఓమ్ కార స్వరూపుడు, సత్య శివ సుందరుడైన పరమ శివుడు మాఘ బహుళ చతుర్థశి అర్థరాత్రి మహా లింగాకృతినొందాడు.

స్పర్థతో రగిలిపోయే బ్రహ్మ విష్ణువులను ఆదరించి వారికి జ్ఞానోదయాన్ని కలిగించాడు.

దివ్య కల్యాణ విభూషితుడు, సర్వాధిపతి, సర్వశ్రేష్ఠుడు అంటూ ఈశానోపనిషత్తు పరమేశ్వరుణ్ణి కీర్తిస్తోంది.

శివుని గురించి చింతనే ఆనంద హేతువంటారు.

పశు లక్షణాలను దూరం చేసుకొంటూ పశుపతిని కొలవడమే నరుని ప్రథమోద్దేశం కావాలన్నదే పెద్దల మాట.

సేకరణ... 💐🙏

⚜️🕉️⚜️🕉️⚜️🕉️⚜️🕉️⚜️