💥శివద్రుమము (మారేడు)

 ⚜️🕉️🚩 ఓం నమః శివాయ🌹🙏

🔱హర హర మహాదేవ శంభో శంకర 🔱

🏵️🌼🏵️🌼🏵️

💥శివద్రుమము (మారేడు)

మారేడు చెట్టును త్రిమూర్తి స్వరూపంగా, లక్ష్మీ రూపంగా కూడా ఆరాధిస్తారు.

మహాశివుడికి మారేడు దళాలంటే మహా ఇష్టం.

అందుకే మారేడును "శివేష్ట" అని అంటారు.

మారేడును "బిల్వ" అని కూడా అంటారు.

బిల్వం అంటే శ్రీఫలం.

అంటే లక్ష్మీదేవికి ఇష్టమైన ఫలములు ఇచ్చేది, ఇంకా సిరిని తెచ్చే ఫలము కలది అని అర్ధం.

మారేడు మహా మంగళకరమైనది.

మారేడు పత్రాలు త్రిశిఖలా ఉంటాయి.

మూడు ఆకులతో ఉన్నందున త్రిశూలానికి సంకేతంగా భావిస్తారు.

ఈశ్వరారాధనలో మారేడు దళాలను తప్పనిసరిగా ఉపయోగిస్తారు.

మారేడు దళాలతో పూజిస్తే శివుడు త్వరగా అనుగ్రహిస్తాడని, పూజలో ఎంత ఎక్కువ బిల్వ పత్రాలు వాడితే అంత ఎక్కువ కరుణాకటాక్షాలు ప్రసాదిస్తాడని, మోక్షం కూడా ప్రాప్తిస్తుందని వేదాలు ఉద్ఘోషిస్తున్నాయి.

కనుకనే శివపూజలో బిల్వ పత్రాలు విస్తృతంగా ఉంటాయి.

కొందరు లక్ష బిల్వ పత్రాలతో, మరికొందరు ఏకంగా కోటి బిల్వ పత్రాలతో శివుని ఆరాధిస్తారు.

సర్వ శుభాలూ చేకూర్చి, మోక్షాన్ని ప్రసాదిస్తుంది కనుక బిల్వ వృక్షాన్ని దైవంతో సమానంగా కొలుస్తారు.

💥#బిల్వాష్టకం.. తాత్పర్య సహితం.

త్రిదళం త్రిగుణాకారం త్రినేత్రం చ త్రియాయుధం

త్రిజన్మపాపసంహారం ఏకబిల్వం శివార్పణం

☘️తాత్పర్యము:

మూడు దళాలు కలిగిన, మూడు గుణాలకు ప్రతీకగా, మూడు కన్నులవలె, మూడు ఆయుధాలుగా, మూడు జన్మాల పాపాన్ని నాశనం చేసే ఒక బిల్వ పత్రాన్ని శివునికి సమర్పిస్తున్నాను.

త్రిశాఖైః బిల్వపత్రైశ్చ అచ్ఛిద్రైః కోమలైః శుభైః

శివపూజాం కరిష్యామి ఏకబిల్వం శివార్పణం

☘️తాత్పర్యము:

మూడు శాఖలు కలిగి, రంధ్రములు లేని, కోమలంగా, శుభము కలిగించే బిల్వపత్రంతో శివునికి పూజ చేస్తున్నాను.

అఖండ బిల్వ పత్రేణ పూజితే నందికేశ్వరే

శుద్ధ్యంతి సర్వపాపేభ్యో ఏకబిల్వం శివార్పణం

☘️తాత్పర్యము:

ఛిద్రం కాని ఒక్క పత్రాన్ని నందికి సమర్పిస్తే సర్వ పాపాలను కడిగి వేసే బిల్వ పత్రాన్ని శివునికి సమర్పిస్తున్నాను.

సాలిగ్రామ శిలామేకాం విప్రాణాం జాతు చార్పయేత్

సోమయజ్ఞ మహాపుణ్యం ఏకబిల్వం శివార్పణం

☘️తాత్పర్యము:

సాలగ్రామాన్ని బ్రాహ్మణునికి దానం చేస్తే, సోమ యాగం చేస్తే వచ్చే ఫలాన్ని ఇచ్చే బిల్వ పత్రాన్ని శివునికి సమర్పిస్తున్నాను.

దంతికోటి సహస్రాణి వాజపేయ శతాని చ

కోటికన్యా మహాదానం ఏకబిల్వం శివార్పణం

☘️తాత్పర్యము:

కోటి ఏనుగుల దానం ఫలం, నూరు యజ్ఞాల ఫలం, కోటి కన్యాదానాల ఫలం తో సమానమైన ఈ బిల్వ పత్రాన్ని శివునికి సమర్పిస్తున్నాను.

లక్ష్మ్యాస్తనత ఉత్పన్నం మహాదేవస్య చ ప్రియం

బిల్వవృక్షం ప్రయచ్ఛామి ఏకబిల్వం శివార్పణం

☘️తాత్పర్యము:

లక్ష్మీ దేవీ స్తన్యము నుండి జన్మించిన, శివునికి ఎంతో ప్రియమైన, బిల్వ వృక్షం ఇచ్చిన దానితో సమానమైన బిల్వపత్రాన్ని శివునికి సమర్పిస్తున్నాను.

దర్శనం బిల్వవృక్షస్య స్పర్శనం పాపనాశనం

అఘోరపాపసంహారం ఏకబిల్వం శివార్పణం

☘️తాత్పర్యము:

దర్శనం, స్పర్శనం వలన మహా పాపాలను నాశనం చేసే బిల్వ పత్రాన్ని శివునికి సమర్పిస్తున్నాను.

కాశీక్షేత్రనివాసం చ కాలభైరవదర్శనం

ప్రయాగేమాధవం దృష్ట్వా ఏకబిల్వం శివార్పణం

☘️తాత్పర్యము:

కాశీ నివాసం, కాల భైరవుని దర్శనం, ప్రయాగలో మాధవుని చూసిన తర్వాత బిల్వ పత్రాన్ని శివునికి సమర్పిస్తున్నాను.

మూలతో బ్రహ్మరూపాయ మధ్యతో విష్ణురూపిణే

అగ్రతః శివరూపాయ ఏకబిల్వం శివార్పణం

☘️తాత్పర్యము:

మూలంలో బ్రహ్మ, మధ్యలో విష్ణువు, కొసలో శివుని కలిగిన బిల్వ పత్రాన్ని శివునికి సమర్పిస్తున్నాను

#ఫలశృతి:

బిల్వాష్టకమిదం పుణ్యం యః పఠేత్ శివసన్నిధౌ

సర్వపాప వినిర్ముక్తః శివలోకమవాప్నుయాత్

☘️తాత్పర్యము:

శివుని సన్నిధిలో ఈ బిల్వాష్టకం పఠనం చేయటం వలన పాపాలు తొలగి, పుణ్యం కలిగి చివరకు శివలోక ప్రాప్తి కలుగుతుంది.

సేకరణ... 💐🙏

⚜️🕉️⚜️🕉️⚜️🕉️⚜️🕉️⚜️