💥 శ్రీ స్తోత్రం 💥 (అగ్నిపురాణం)(ఇంద్ర కృతం)🌹🙏

 🕉️🔱🚩 ఓం శ్రీ మాత్రే నమః 🌹🙏

💥 ఓం శ్రీ మహాలక్ష్మి దేవ్యై నమః 💥

🌺🌸🌺🌸🌼🌸🌺🌸🌺

💥 శ్రీ స్తోత్రం 💥 (అగ్నిపురాణం)(ఇంద్ర కృతం)🌹🙏

పుష్కర ఉవాచ

రాజలక్ష్మీస్థిరత్వాయ యథేంద్రేణ పురా శ్రియః | 

స్తుతిః కృతా తథా రాజన్ జయార్థం స్తుతిమాదరేత్ || 1 ||  

ఇంద్ర ఉవాచ- 

నమస్తే సర్వలోకానాం జననీమబ్ధిసంభవాం | 

శ్రియమున్నిద్రపద్మాక్షీం విష్ణువక్షస్స్థలస్థితామ్ || 2 ||  

త్వం సిద్ధిస్త్వం స్వధా స్వాహా సుధా త్వం లోకపావనీ | 

సంధ్యా రాత్రిః ప్రభా మూర్తిః మేధా శ్రద్ధా సరస్వతీ || 3 ||  

యజ్ఞవిద్యా మహావిద్యా గుహ్యవిద్యా చ శోభనే | 

ఆత్మవిద్యా చ దేవి త్వం విముక్తిఫలదాయినీ || 4 ||  

ఆన్వీక్షికీ త్రయీ వార్తా దండనీతిస్త్వమేవ చ | 

సౌమ్యాసౌమ్యైర్జగద్రూపైస్త్వయైతద్దేవి పూరితమ్ || 5 ||   

 కా త్వన్యా త్వామృతే దేవి సర్వయజ్ఞమయం వపుః | 

అధ్యాస్తే దేవదేవస్య యోగిచింత్యం గదాభృతః || 6 ||  

త్వయా దేవి పరిత్యక్తం సకలం భువనత్రయం | 

వినష్టప్రాయమభవత్ త్వయేదానీం సమేధితమ్ || 7 ||  

దారాః పుత్రాస్తథాగారం సుహృద్ధాన్యధనాదికం | 

భవత్యేతన్మహాభాగే నిత్యం త్వద్వీక్షణాన్నృణామ్ || 8 ||  

శరీరారోగ్యమైశ్వర్యమరిపక్షక్షయః సుఖం | 

దేవి త్వద్దృష్టిదృష్టానాం పురుషాణాం న దుర్లభమ్ || 9 ||  

త్వం మాతా సర్వలోకానాం దేవదేవో హరిః పితా | 

త్వయైతద్విష్ణునా చాంబ జగద్వ్యాప్తం చరాచరమ్ || 10 ||  

మానః కోశః తథా కోష్ఠం మాగృహం మా పరిచ్ఛదం | 

మా శరీరం కలత్రం చ త్యజేథాః సర్వపాపాని || 11 ||  

మా పుత్రాన్ మా సుహృద్వర్గాన్ మా పశూన్మా విభూషణం | 

త్యజేథా మమ దేవస్య విష్ణోర్వక్షస్స్థలాలయే || 12 ||  

సత్యేన సత్యశౌచాభ్యాం తథా శీలాదిభిర్గుణైః | 

త్యజంతే తే నరాః సద్యః సంత్యక్తా యే త్వయామలే || 13 ||  

 త్వయావలోకితాస్సద్యః శీలాద్యైరఖిలైర్గుణైః | 

కులైశ్వర్యైశ్చ యుజ్యంతే పురుషా నిర్గుణా అపి || 14 ||  

 స శ్లాఘ్యః స గుణీ ధన్యః స కులీనః స బుద్ధిమాన్ | 

స శూరః స చ విక్రాంతః యస్త్వయా దేవి వీక్షితః || 15 ||  

 సద్యో వైగుణ్యమాయంతి శీలాద్యాస్సకలా గుణాః | 

పరాఙ్ముఖీ జగద్ధాత్రీ యస్య త్వం విష్ణువల్లభే || 16 ||  

న తే వర్ణయితుం శక్తా గుణాన్ జిహ్వాపి వేధసః | 

ప్రసీద దేవి పద్మాక్షి మాస్మాంస్త్యాక్షీః కదాచన || 17 ||  

పుష్కర ఉవాచ- 

ఏవం స్తుతా దదౌ శ్రీశ్చ వరమింద్రాయ చేప్సితం | 

సుస్థిరత్వం చ రాజ్యస్య సంగ్రామవిజయాదికమ్ || 18 ||  

 స్వస్తోత్ర పాఠశ్రవణకర్తౄణాం భుక్తిముక్తిదం | 

శ్రీస్తోత్రం సతతం తస్మాత్పఠేచ్చ శృణుయాన్నరః || 19 ||  

 ఇత్యగ్నిపురాణే శ్రీస్తోత్రం |  

🌼🌸🌼🌸🌺🌸🌼🌸🌼