💥🌷సకల సౌభాగ్యాలనిచ్చే వరలక్ష్మీ దేవి వ్రతం🌷💥
⚜️🕉️🚩ఓం శ్రీ వరలక్ష్మి దేవ్యై నమః🌹🙏
💥🌷సకల సౌభాగ్యాలనిచ్చే వరలక్ష్మీ దేవి వ్రతం🌷💥
పద్మాసనే పద్మకరే సర్వలోకైక పూజితే!
నారాయణ ప్రియే దేవి సుప్రీతా భవసర్వదా!!
కోరిన కోరికలు తీర్చే కల్పవల్లిగా... అష్ట లక్ష్ముల్లో ఒకరిగా... స్త్రీల నోముల పంటగా... విరాజిల్లుతోంది వరలక్ష్మీ దేవి.
శ్రావణమాసం శుక్లపక్షంలో పౌర్ణమికి ముందు వచ్చే శుక్రవారాన్నే వరలక్ష్మీ వ్రతంగా జరుపుకోవడం అనాదిగా వస్తున్న ఆచారం.
ఆ రోజున ఆ తల్లిని నిండు మనసుతో ధ్యానించి... పూజిస్తే... సకల కోరికలు సిద్ధిస్తాయని పండితులు చెబుతారు.
వరలక్ష్మీ దేవి ఇంకెవరో కాదు... సకల ఐశ్వర్యాలకు అధిదేవత అయిన లక్ష్మీదేవే.
అష్ట లక్ష్ముల్లో వరలక్ష్మీ దేవి కూడా ఒకరైనా... ఆమె పూజకు చాలా ప్రత్యేకత ఉంది. విష్ణుమూర్తికి ఇష్టమైన, అతని జన్మనక్షత్రమైన శ్రవణా నక్షత్రం పేరిట ఏర్పడిన శ్రావణ మాసంలో ఈ వ్రతాన్ని ఆచరిస్తారు.
ఈ వ్రతం గురించి సాక్షాత్తూ పరమేశ్వరుడే పార్వతీ దేవికి చెప్పాడని పురాణాలు చెబుతున్నాయి.
ఒకరోజు పరమేశ్వరుడు కైలాసంలో మునిగణంతో సమావేశమైయుండగా... పార్వతీ దేవి అక్కడికి వచ్చింది.
స్త్రీలు సకల సంపదలు, పసుపు కుంకుమలతో నిండు నూరేళ్లు వర్థిల్లేలా చేసేందుకు ఆచరించదగిన వ్రతమేదైనా ఉందా అని అడిగింది. అందుకు శివుడు వరలక్ష్మీ వ్రతం చేయాలని చెప్పాడు. ఆ వ్రత కథను ఇలా వివరించాడు.
పూర్వం మగధ దేశంలో కుండినమనే పట్టణం ఉండేది. అందులో చారుమతి అనే బ్రాహ్మణ స్త్రీ నివసించేంది. ఆమె పతినే ప్రత్యక్ష దైవంగా కొలుస్తూ, అత్తమామలను ఆదరిస్తూ, మహాలక్ష్మీదేవిని రోజూ త్రికరణ శుద్దిగా పూజిస్తూ ఉండేది.
ఆ మహాపతివ్రతకి ఓ రాత్రి వరలక్ష్మీదేవి కనిపించింది. శ్రావణ శుక్ల పూర్ణిమకు ముందువచ్చే శుక్రవారాన తనను ఆరాధించమని, కోరికలన్నీ తీరుతాయని చెబుతుంది.
దేవి చెప్పిన ప్రకారం శ్రావణ శుక్రవారం నాడు చారుమతి ముత్తయిదువులను పిలిచి వరలక్ష్మీ దేవి వ్రతాన్ని భక్తి శ్రద్ధలతో చేస్తుంది. ఆ దేవి కరుణించి ఆమె సిరిసంపదలను ప్రసాదించి, సర్వ మంగళ సంప్రాప్తిని, సకలాభీష్టాలను తీర్చింది.
ఈ కథను విన్న పార్వతీదేవి తాను కూడా వరలక్ష్మీ దేవి వ్రతాన్ని ఆచరించిందని స్కాంధ పురాణం చెబుతోంది. సకల శుభాలు కలగడానికి వరలక్ష్మీ దేవి వ్రతమే సరైన మార్గమని భక్తుల నమ్మకం.
నమస్తే సర్వలోకానం జనన్యై పుణ్యమూర్తయే!
శరణ్యే త్రిజగద్వంద్వే విష్ణు వక్షస్థలాలయే!!
సేకరణ... 💐🙏
⚜️🕉️⚜️🕉️⚜️🕉️⚜️🕉️⚜️
Comments
Post a Comment