💥 అమ్మలగన్నయమ్మ ముగురమ్మల మూలపుటమ్మ 💥
⚜️🕉️🚩 ఓం శ్రీ మాత్రే నమః 🌹🙏
💥🌺💥🌺💥🌺💥🌺💥
💥 అమ్మలగన్నయమ్మ ముగురమ్మల మూలపుటమ్మ 💥
అమ్మలగన్నయమ్మ ముగురమ్మల మూలపుటమ్మ
చాల బెద్దమ్మ, సురారులమ్మ కడుపారడి
పుచ్చినయమ్మ దన్ను లో నమ్మిన వేల్పుటమ్మల
మనమ్ముల నుండెడి యమ్మ దుర్గ, మాయమ్మ,
కృపాబ్ధి యిచ్చుత మహత్త్వ కవిత్వ పటుత్వ సంపదల్.
💥భావం:
అమ్మలనుకన్న దేవతా స్త్రీలయిన వారి మనస్సులయందు ఏ అమ్మవారు ఉన్నదో అటువంటి అమ్మకు మహత్వ కవిత్వ పటుత్వ సంపదల్ – ఈ నాలుగింటికోసము నమస్కరిస్తున్నాను. అటువంటి దుర్గమ్మ మాయమ్మ.
💥వివరణ:
🍁అమ్మలగన్నయమ్మ ముగురమ్మల మూలపుటమ్మ
లలితాసహస్రము "శ్రీమాతా" అనే నామముతో ప్రారంభమవుతుంది. "శ్రీమాతా" అంటే ’శ’ కార 'ర’ కార ’ఈ’ కారముల చేత సత్వరజస్తమోగుణాధీశులయిన బ్రహ్మశక్తి, విష్ణుశక్తి రుద్రశక్తులయిన రుద్రాణి, లక్ష్మీదేవి, సరస్వతీదేవి – ఈ ముగ్గురికీ అమ్మ – ఈ మూడు శక్తులను త్రిమూర్తులకు ఇచ్చినటువంటి పెద్దమ్మ ఆయమ్మ "లలితాపరాభట్టారికా స్వరూపం" ఆ అమ్మవారికి, దుర్గాస్వరూపమునకు భేదం లేదు.
"అమ్మలగన్నయమ్మ ముగ్గురమ్మల మూలపుటమ్మ" ఆ ముగ్గురు అమ్మలే మనం మహాకాళి, మహాలక్ష్మి, మహాసరస్వతి స్వరూపములుగా కొలిచే తల్లులు.
ఈ ముగురమ్మల మూలపుటమ్మ.
🍁చాల బెద్దమ్మ
మహాశక్తి అండపిండ బ్రహ్మాండములనంతటా నిండిపోయిన శక్తిస్వరూపము. ఈ శక్తి స్వరూపిణి చిన్నపెద్దా భేదము లేకుండా సమస్త జీవరాశులలోను ఇమిడి ఉన్నది.
అండపిండ బ్రహ్మాండములనన్నిటినీ నిండిపోయి ఈ భూమిని, లోకములనన్నిటినీ తిప్పుతూ ఇవన్నీ తిరగడానికి కారణమయిన అమ్మవారు ఎవరో ఆ అమ్మ.
🍁సురారులమ్మ కడుపారడి పుచ్చినయమ్మ
సురారి అనగా దేవతలకు శత్రువయిన వాళ్ళ అమ్మ దితి. దితి ఏడిచేటట్లుగా కడుపు శోకమును మిగిల్చింది. అనగా రాక్షసులు నశించడానికి కారణమయిన అమ్మ. దేవతలలో శక్తిగా ఈమె ఉండబట్టే రాక్షసులు మరణించారు.
🍁దన్ను లో నమ్మిన వేల్పుటమ్మల మనమ్ముల నుండెడి యమ్మ
బ్రాహ్మి, మహేశ్వరి, వైష్ణవి, మహేంద్రి, చాముండ, కౌమారి, వారాహి, మహాలక్ష్మి.
ఇలా ఎనమండుగురు దేవతలు ఉన్నారు.
వీరిని ’అష్టమాతృకలు’ అని పిలుస్తారు.
ఈ అష్టమాతృకలు శ్రీచక్రంలో దేవతలుగా ఉంటారు. వీరు నిరంతరము అమ్మవారిని లోపల కొలుస్తూ, అమ్మవారి వలన శక్తిని పొంది మనని ఉద్ధరిస్తూ ఉంటారు. ఈ ఎనమండుగురునే మనం కొలుస్తూ వుంటాము.
🍁దుర్గమాయమ్మ
ఈ దుర్గమ్మే "లలితా పరాభట్టారిక" ఆ అమ్మ మాయమ్మ.
🍁కృపాబ్ధి యిచ్చుత మహత్త్వ కవిత్వ పటుత్వ సంపదల్
ఆవిడ దయతో మహత్త్వ కవిత్వ పటుత్వ సంపదలను ఇచ్చెయ్యాలి.
🔸🔹🔸🔹🔸🔹🔸🔹🔸
💥అమ్మవారికి "శాక్తేయప్రణవములు" అని కొన్ని బీజాక్షరములు ఉన్నాయి.
ఓం ఐం హ్రీం శ్రీం క్లీం సౌః - ఈ ఆరింటిని శాక్తేయ ప్రణవములని పిలుస్తారు.
మహత్వమునకు బీజాక్షరము 'ఓం’
కవిత్వమునకు బీజాక్షరము 'ఐం’
పటుత్వమునకు భువనేశ్వరీ బీజాక్షరము 'హ్రీం”,
సంపదలు లక్ష్మీదేవి 'శ్రీం’
'ఓంఐంహ్రీంశ్రీం’ అమ్మలగన్నయమ్మ ’శ్రీమాత్రే నమః’
అమ్మలగన్నయమ్మ ముగురమ్మల మూలపుటమ్మ - అనుకుంటుంటే మీరు మరో రూపంలో
'ఓంఐంహ్రీంశ్రీం శ్రీమాత్రేనమః’
'ఓంఐంహ్రీంశ్రీం శ్రీమాత్రేనమః’
అంటూ ఎప్పుడూ అమ్మను తలచుకున్నట్లు అవుతుంది.
'ఓంఐంహ్రీంశ్రీం శ్రీమాత్రే నమః’ అనలేకపోవచ్చు. 'అమ్మలగన్నయమ్మ ముగురమ్మల మూలపుటమ్మ చాల పెద్దమ్మ’ అనడానికి కష్టం ఉండదు.
💥సర్వేజనాః సుఖినోభవంతు💥🙏
సేకరణ... 💐🙏
⚜️🕉️⚜️🕉️⚜️🕉️⚜️🕉️⚜️
Comments
Post a Comment