⚜️🚩అర్ధనారీశ్వర స్తోత్రం🌹🙏

 🕉️🔱🚩 ఓం నమః శివాయ 🌹🙏

⚜️🚩అర్ధనారీశ్వర స్తోత్రం🌹🙏

🌹అర్ధనారీశ్వర రూపమైన శివ పార్వతులను స్తుతిస్తూ ఆదిశంకరులు ఈ స్తోత్రాన్ని రచించారు.

🌹ప్రకృతీ పురుష రూపమైన ఈ దేహాకృతిలో సున్నితమైన స్త్రీ తత్త్వానికి, దృఢమైన పురుష తత్త్వానికి ఆయా లక్షణాలను ఆపాదిస్తూ, వర్ణిస్తూ ఈ స్తోత్ర రచన జరిగింది.

చాంపేయ గౌరార్ధ శరీరకాయై

కర్పూర గౌరార్ధ శరీరకాయ |

ధమ్మిల్లకాయై చ జటాధరాయ

నమః శివాయై చ నమః శివాయ || 1 ||

🌹తాత్పర్యము:

కరిగించిన బంగారము వంటి మేని ఛాయ, అందమైన జడగా అల్లబడిన జుట్టు కలిగిన దేవికి, వెలుగుతున్న కర్పూరం వంటి మేని ఛాయ, జటా ఝూటములు కలిగిన దేవునకు - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

కస్తూరికా కుంకుమ చర్చితాయై

చితా రజఃపుంజ విచర్చితాయ |

కృతస్మరాయై వికృత స్మరాయ

నమః శివాయై చ నమః శివాయ || 2 ||

🌹తాత్పర్యము:

చందన, కుంకుమ లేపిత శరీరము కలిగిన దేవికి, చితా భస్మలేపితమైన శరీరము కలిగిన దేవునకు, సౌందర్యముతో ప్రేమను వెదజల్లే దేవికి, మన్మథుని జంపిన దేవునకు - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

ఝణత్ భణత్ కంకణ నూపురాయై

పాదాబ్జ రాజత్ఫణి నూపురాయ

హేమాంగదాయై భుజగాంగదాయ

నమః శివాయై చ నమః శివాయ || 3 ||

🌹తాత్పర్యము:

మృదు మంజీర రావము పలికే కాలి యందెలు, బంగారు ఆభరణములు కలిగిన దేవికి, సర్పములు కాలికి యందెలుగా, దేహాభారణములుగా కలిగిన దేవునికి - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

విశాల నీలోత్పల లోచనాయై

వికాసి పంకేరుహ లోచనాయ |

సమేక్షణాయై విషమేక్షణాయ

నమః శివాయై చ నమః శివాయ || 4 ||

🌹తాత్పర్యము:

నీలి కలువల వలె విశాలమైన నేత్రములు రెండు కలిగిన దేవికి, పూర్తిగా వికసించిన కలువ వంటి కనులు కలిగి త్రినేత్రుడైన దేవునికి - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

మందారమాలా కలితా లతాయై

కపాలమాలాంకిత కంధరాయ |

దివ్యాంబరాయై చ దిగంబరాయ

నమః శివాయై చ నమః శివాయ || 5 ||

🌹తాత్పర్యము:

మందారము మొదలగు దేవ పుష్పముల మాల, పట్టు వస్త్రములు ధరించిన దేవికి, కపాలమాల, దిక్కులే అంబరములు గా కలిగిన దేవునికి - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

అంబోధర శ్యామల కుంతలాయై

తటిప్రభా తామ్ర జటాధరాయ |

నిరీశ్వరాయై నిఖిలేశ్వరాయ

నమః శివాయై చ నమః శివాయ || 6 ||

🌹తాత్పర్యము:

కారు మేఘముల వంటి కురులు, గిరిరాణి అయిన దేవికి, రాగి రంగులో మెరుపులా వంటి జటా ఝూటములు కలిగిన, అన్నిటికీ ఈశ్వరుడు అయిన దేవునికి - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

ప్రపంచ సృష్ట్యున్ముఖ లాస్యకాయై

సమస్త సంహారక తాండవాయ |

జగజ్జనన్యై జగదేక పిత్రే

నమః శివాయై చ నమః శివాయ || 7 ||

🌹తాత్పర్యము:

తన నాట్యముచే ప్రపంచాన్ని సృష్టించే, జగజ్జనని అయిన దేవికి, తన నాట్యముచే ప్రపంచ నాశనము చేసే, జగత్ పితయైన దేవునికి - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

ప్రదీప్తరత్నోజ్జ్వల కుండలాయై

స్ఫురన్మహా పన్నగ భూషణాయ |

శివాన్వితాయై చ శివాన్వితాయ

నమః శివాయై చ నమః శివాయ || 8 ||

🌹తాత్పర్యము:

రత్నములచే పొదగబడిన చెవి ఆభరణములు కలిగిన, శివునిలో ఏకమైన దేవికి, సర్పములే సకల ఆభరణములుగా కలిగిన, శివానిలో ఏకమైన దేవునికి - అర్థనారీశ్వర రూపములో ఉన్న ఆ పార్వతీ పరమేశ్వరులకు నా నమస్కారములు.

🌹ఫల శృతి:

యేతత్పఠేదష్టకమిష్టదం యో

భక్త్యా స మాన్యో భువి దీర్ఘజీవీ |

ప్రాప్నోతి సౌభాగ్యమనంతకాలం

భూయాత్సదా తస్య సమస్తసిద్ధిః ||

🌹ఈ అష్టకాన్ని పఠనం చేసిన వారికి అసామాన్యమైన జీవనం, దీర్ఘాయుష్షు, సమస్త సౌభాగ్యాలు, సంపదలు కలుగును.

🌹ఇతి శ్రీమచ్ఛంకరాచార్య కృత అర్ధనారీశ్వర స్తోత్రమ్ |

🌹ఈ స్తోత్రంలో ఉన్న 8 పద్యాల అర్థం తెలిస్తే ఏ దంపతులు విడిపోరు.

అందుకే అన్యోన్య దాంపత్యం కోరుకునే వారు అర్థనారీశ్వర స్తోత్రాన్ని చదవాలి.

దాంపత్య జీవన అర్థం.. భార్యా భర్తల బాధ్యతలు తెలుస్తాయి.

                          ⚜️🌺⚜️🌺🕉️⚜️🌺⚜️