🌹శ్రీ కాళహస్తీశ్వరా! 🌹🙏

 🕉️🔱🚩 ఓం నమః శివాయ 🌹🙏

🌹 హర హర మహాదేవ శంభో శంకర 🌹

♦️కాలద్వారకవాటబంధనము దుష్కాల్ప్రమాణక్రియా

లోలాజాలకచిత్రగుప్తముఖవ ల్మీకోగ్రజిహ్వాద్భుత

వ్యళవ్యాళవిరోధి మృత్యుముఖదంష్ట్రా(అ)హార్య వజ్రంబు ది

క్చేలాలంకృత! నీదునామ మరయన్ శ్రీ కాళహస్తీశ్వరా♦️

🌹శ్రీ కాళహస్తీశ్వరా!

ఆలోచించి చూడగ నీ నామము యముని వాకిటి తలుపును మూసివేసి బిగించునట్టి గడియ యగునది.

దుష్టుడగు యముడు తనకు ప్రమాణముగ అతని లేఖకుడు చిత్రగుప్తుడు,

ఆ చిత్రగుప్తుని నోరు అను పుట్టయందు మహా భయంకరమగు నాలుక యను సర్పము,

ఇట్టి సర్పము పాలిటి గరుడుని వంటిది నీ నామము.

మృత్యువు అను కౄర మృగపు నోటి యందలి కోరలను పర్వతమునకు వజ్రము వంటిది నీ నామము.

♦️పాలుం బువ్వయుఁ బెట్టెదం గుడువరా పాపన్న రా యన్న లే

లేలెమ్మన్న నరంటిపండ్లుఁ గొని తేలేకున్న నేనొల్లనం

టే లాలింపరే తల్లిదండ్రులపు డట్లే తెచ్చి వాత్సల్య ల

క్ష్మీలీలావచనంబులం గుడుపరా శ్రీ కాళహస్తీశ్వరా♦️

🌹శ్రీ కాళహస్తీశ్వరా!

లోకములో తల్లిదండ్రులు తమ పిల్లలను పాపా! పాపడా నీకు పాలను అన్నమును పెట్టెదను తినుము లెమ్మని లాలించి పిలువగా

ఆ పిల్లలు గారాబము పోవుచు "నాకు అరటి పండ్లు కూడ కావలె"నన్న వెంటనే

ఆ తల్లిదండ్రులు వాత్సల్య విశేషములతో అరటి పండ్లు తెచ్చి యిచ్చెదరు లేదా

మరియొక విధముగ సముదాయించి బువ్వ తినిపించెదరు.

అట్లే నీవును వాత్సల్య లక్ష్మీ లీలా విలాసములను నాయందు ప్రసరింపచేసి నాకును ఇహ పర సుఖములను అనుభవింపజేయుమా.

                        🕉️🔱🌺🔱🕉️🔱🌺🔱🕉️