ఓం నమో భగవతే రమణాయ నమః🙏

  ఓం నమో భగవతే రమణాయ నమః 🙏

🌹భగవాన్ శ్రీ రమణుల జయంతి🙏

🌹"నాకు జ్ఞానోదయం కావాలి స్వామీ

నేను అజ్ఞానిని" అని ఒక భక్తుడు రమణుల్ని ఆశ్రయించాడు. 

‘నువ్వు అజ్ఞానివా, ఆ విషయం నీకు నిజంగా తెలుసా’ అని రమణులు అతణ్ని ప్రశ్నించారు.

‘తెలుసు స్వామీ నేను  పరమ అజ్ఞానిని’ అన్నాడు భక్తుడు. 

‘నీ గురించి నీకు తెలిసింది కదా... నువ్వు జ్ఞానివే. 

ఇక నీకు నాతో పని లేదు’ అన్నారు మహర్షి. 

🌹ఆత్మ విచారం ద్వారా ఎవరిని వారు ఉద్ధరించుకోవాలి. 

జీవన్ముక్తి అంటే జీవితం నుంచి ముక్తులు అని కాదు.

ఈ జీవితంలోనే ముక్తిని పొందాలి. 

🌹ముక్తి అంటే మరణానంతరం పొందేది కాదు.

పరంజ్యోతి గుండె గూటిలో ప్రకాశిస్తున్నప్పుడు ఆ వెలుగులో నిన్ను నువ్వు సంస్కరించుకోవాలి. 

నీ లక్ష్యాన్ని నువ్వు నిర్దేశించుకోవాలి’ అని రమణులు సూచించారు.

🌹భగవాన్ శ్రీరమణులు తమిళనాడు రాష్ట్రంలోని మధురై జిల్లాలోని తిరుచ్చుళిలో 1879 డిశంబరు 30వ తేదీ ఆరుద్ర దర్శనం (పునర్వసు నక్షత్రం) నాడు అళగమ్మాళ్, సుందరేశం అయ్యర్లు దంపతులకు జన్మించారు.

🌹తల్లి తండ్రులు పెట్టిన పేరు వెంకట్రామన్ అయ్యర్. భక్తులు  భగవాన్ అని కూడా సంభోదిస్తారు. 

🌹పదహారేళ్ల వయసులో అరుణాచలం అనే పేరు చెవిన పడగానే వెంకటరామన్‌ మనసులో ఏదో స్ఫురించింది. 

తనకి, ఆ అరుణగిరికి ఏదో  అవినాభావ సంబంధం ఉన్నట్లు అనిపించింది. 

అతని అంతరంగమంతా ఆ పేరే ఆవరించింది. 

🌹‘అరుణాచలం’, ‘అరుణాచలం’, ‘అరుణాచలం’ అన్న నామమే అంతర్ధ్వనిగా ప్రతిధ్వనించసాగింది.  

ఆ తపనతోనే అరుణాచలం వెళ్లిపోయారు.

అరుణాచలం ఆలయంలోకి అడుగుపెట్టగానే,  పరుగెత్తుకొని వెళ్లి... ఆ స్వయంభూలింగాన్ని ఆలింగనం చేసుకున్నారు. 

ఆనంద పారవశ్యంతో కన్నీటి పర్యంతం అయ్యారు.

ఆ క్షణం నుంచి ఆయనకు గురువైనా, తండ్రైనా శ్రీ అరుణాచలేశ్వరుడే అన్నీ.

🌹అయిదు దశాబ్దాలకు పైగా కాలాన్ని (తాను తనువు చాలించే దాకా) అత్యంత నిరాడంబరంగా, లౌకిక సౌకర్యాలు, భౌతిక సుఖాలకు అన్నింటికీ అతీతంగానే గడిపారు.

🌹తల్లికి సంగతి తెలిసి తీసుకెళ్ళడానికి వస్తే "ఏది ఎలా జరగాలో అట్లా జరుగుతుంది" అని  వ్రాసి ఇచ్చారు ఆ మౌనస్వామి. 

🌹ఆ తరువాతి కాలంలో ఆయన, ఒక భక్తుని విన్నపం మీద `అరుణాచలేశ్వరునికి ఐదు స్తోత్రాలు’ కృతిగానం చేసారు. 

అవి 1)అక్షర మణిమలై, 2)నవ మణిమలై, 3)అరుణాచల పటికం, 4)అరుణాచల అష్టకం, 5)అరుణాచల పంచరత్న’.

🌹కనిపించేదంతా భగవత్‌ స్వరూపమే అయినప్పుడు అంతటిపై భక్తి ఉండాల్సిందే...

సాటి మనుషులైనా, సర్వ ప్రాణులైనా… అన్నీ ఆత్మ స్వరూపాలే… నీలో ఉన్నదే ఆ జీవుల్లోనూ ఉంది.

అందుకే నిన్ను నువ్వు ఎలా ప్రేమిస్తావో, అన్నిటినీ అలాగే ప్రేమించాలి. పూజించాలి. 

ఇదే రమణులు చెప్పిన భక్తి  తత్త్వం. 

🌹రమణ మహర్షి బోధనలలో ప్రధానమైంది “మౌనం” లేదా “మౌనముద్ర”.

🌹ఆర్ద్రా నక్షత్రం లో పుట్టిన ఆయన #దక్షిణామూర్తి స్వరూపం అని, 

కేవలం కౌపీనం మాత్రమే ధరిస్తారు కాబట్టి ఆయన్ని కుమారస్వామి స్వరూపం అని శిష్యులు  కొలిచేవారు.

🌹సంస్కృత విద్వాంసుడు, ఆశుకవి, తపస్వి అయిన శ్రీ కావ్యకంఠ గణపతి ముని, భగవాన్ శ్రీ రమణులను గురువుగా స్వీకరించి, ఎన్నో సందేహాలను తీర్చుకున్నారు.

అవే `#రమణగీత’గా రూపొందాయి. 

🌹శ్రీ రమణ మహర్షి చివరి రోజుల్లో, ఎడమ చేతిపై వ్రణం పెరిగి, శస్త్ర చికిత్స చేసినా తగ్గలేదు. 

డాక్టర్లు మత్తుమందు ఇస్తామన్నా నిరాకరించారు. 

🌹ఎందరో భక్తులు ఆయనని తమ అంతర్గత శక్తితో ఆరోగ్యం బాగు చేసుకోమని కోరగా, "భోజనానంతరం విస్తరిని ఉంచుకుంటామా?"  అని అడిగారు.  

🌹14, ఏప్రిల్ 1950 రాత్రి 8.47ని.లకు శ్రీ రమణ మహర్షి దేహాన్ని వదిలేసినప్పుడు, ఒక నక్షత్రం గిరి శిఖరం మీదుగా అంతరిక్షంలో అదృశ్యమైంది. 

(🌹సేకరణ 🌹)🙏

        🌹🙏అరుణాచల శివ అరుణాచల శివ 🙏🌹